រថយន្តកាំម៉ារីឆ្លាម បុករថយន្តដឹកភ្ញៀវទេចរណ៍ពីក្រោយ បណ្តាលឲ្យខូចខាតទាំងសងខាងយ៉ាងដំណំ សំណាងហើយមិនមានអ្នករងគ្រោះ
ខេត្តបន្ទាយមានជ័យ៖ករណីគ្រោះថ្នាក់ចរាចរណ៍ដែលបង្កកឡើងដោយរថយន្តប្រភេទកាំម៉ារីឆ្លាម បុករថយន្តដឹកភ្ញៀវទេសចរណ៍ពីក្រោយ ខណៈពេលកំពុងដាក់ភ្ញៀវសំណាងហើយគ្មានអ្នករងគ្រោះ គ្រាន់តែខូចខាតរថយន្តទាំង២គ្រឿងតែប៉ុណ្ណោះ បង្កការភ្ញាក់ផ្អើលនាល្ងាចថ្ងៃទី១៦ ខែវិច្ឆិការ ឆ្នាំ២០២៣ តាមបណ្តោយផ្លូវជាតិលេខ៥ ស្ថិតភូមិនិមិត្ត១ សង្កាត់និមិត្ត ក្រុងប៉ោយប៉ែត។
បើតាមប្រភពព័ត៌មានបានឲ្យដឹងថា៖មុននៅពេលជួបគ្រោះថ្នាក់ចរាចរណ៍កើតឡើងគឺមានរថយន្តតូយូតាហៃយ៉ាស់ពាក់ផ្លាក់លេខ បន្ទាយមានជ័យ2D.7128បានចតដាក់ភ្ញៀវនៅចិញ្ចើមផ្លូវខាងស្តាំដៃ មុខទៅខាងលិច ហើយក៏ស្រាប់តែមានរថយន្តកាំម៉ារីឆ្លាមពាក់ផ្លាក់លេខ បន្ទាយមានជ័យ2A.3492ដែលបើកបរតាមផ្លូវជាតិលេខ៥ ក្នុងទិសដៅពីកើតទៅលិច ពោលគឺពីក្រុងសិរីសោភ័ណទៅក្រុងប៉ោយប៉ែត លុះមកដល់ចំណុចកើតហេតុខាងលើបានបុកពីក្រោយបណ្តាលខូចខាតរថយន្តទាំង២គ្រឿង តែសំណាងហើយគ្មានអ្នកណាម្នាក់រងគ្រោះ។ក្រោយគ្រោះថ្នាក់ចរាចរណ៍កើតឡើងឃើញមន្ត្រីនគរបាលចរាចរណ៍ក្រុងប៉ោយប៉ែតបានចុះទៅពិនិត្យ និងធ្វើការវាស់វែង។
សមត្ថកិច្ចបានឲ្យដឹងថា៖មូលហេតុនៃគ្រោះថ្នាក់ចរាចរណ៍កើតឡើងគឺផ្តើមចេញពីរថយន្តកាំម៉ារីឆ្លាមបើកបរលង់ចង្កូតទៅបុករថយន្តហៃយ៉ាស់ដឹកអ្នកណើរដែលកំពុងចតដាក់ភ្ញៀវតែសំណាងគ្មានអ្នករងគ្រោះ គ្រាន់តែខូចខាតរថយន្តហៃយ៉ាស់កំពិតគូដពីក្រោយខាងឆ្វេង និងរថយន្តកាំម៉ារីឆ្លាមកមពិតមុខខាងស្តាំ។ក្រោយធ្វើការវាស់វែងរួចរថយន្តទាំង២គ្រឿងដែលបង្កគ្រោះថ្នាក់ ត្រូវបានយកទៅរក្សាទុកនៅអធិការដ្ឋាននគរបាលក្រុងប៉ោយប៉ែត ដើម្បីដោះស្រាយគ្នាតាមច្បាប់ចរាចរណ៍ផ្លូវគោកជាក្រោយ៕
