ករណីហិង្សាដោយចេតនា និងគំរាមសម្លាប់ ត្រូវបានសមត្ថកិច្ចឃាត់ខ្លួន នៅឃុំលាយបូរ ស្រុកត្រាំកក់
ខេត្តតាកែវ៖ដោយអនុវត្តតាមបទបញ្ជារបស់លោកឧត្តមសេនីយ៍ទោ ស្នងការនគរបាលខេត្ត និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្ត នៅថ្ងៃទី១០ ខែតុលា ឆ្នាំ២០ ២៣ វេលាម៉ោង៩:០០នាទី កម្លាំងប៉ុស្តិ៍នគរបាលរដ្ឋបាលលាយបូរ បានចុះធ្វើការឃាត់ខ្លួនជនសង្ស័យ០១នាក់ រួមនិងវត្ថុតាងមកសាកសួរ កសាងសំណុំរឿងតាមនីតិវិធីច្បាប់ ក្រោយពីទទួលពាក្យបណ្ដឹងពីឈ្មោះ ធឿន ប៊ុនធា ភេទប្រុស អាយុ ៣០ ឆ្នាំ រស់នៅភូមិខ្នារ ឃុំលាយបូរ ស្រុកត្រាំកក់ ប្ដឹងឈ្មោះ មុិល ភា ភេទប្រុស អាយុ ២៧ ឆ្នាំ រស់នៅភូមិខ្នារ ឃុំលាយបូរ ប្រដាប់ដោយកាំបិត ដំបង កាំភ្លើងខ្យល់ ជំពាមកៅស៊ូ ហើយជេរគំរាម កំហែងរកសម្លាប់ដោយចោទថាម្ចាស់ផ្ទះយកប្រពន្ធរបស់ខ្លួនលាក់។
សមត្ថកិច្ចបញ្ជាក់ថា ជនសង្ស័យជាអ្នកប្រើប្រាស់សារធាតុញៀន(បែកថ្នាំ) និងធ្លាប់ជាប់នៅមណ្ឌលបន្សាបគ្រឿងញៀនចំនួន ១លើកនឹងជាប់នៅពន្ធនាគារចំនួន ០១ លើកពីបទហិង្សាក្នុងគ្រួសារ។បច្ចុប្បន្ន ជនសង្ស័យត្រូវបានសមត្ថកិច្ច កសាងសុំ ណុំរឿងបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ការបន្តតាមនិតិវិធីច្បាប់៕ ដោយ ៖ លោក ផូង បញ្ញា
