ជនជាតិចិនបើករថយន្តខ្វះការប្រុងប្រយ័ត្ន បត់ចូលមិនផ្តល់សញ្ញា បណ្តាលឲ្យបុកម៉ូតូ១គ្រឿងឌុបគ្នា៣នាក់ របួសធ្ងន់ម្នាក់ ស្រាលម្នាក់ នៅក្រុងប៉ោយប៉ែត
(បន្ទាយមានជ័យ)៖ម្នាក់រងរបួសធ្ងន់ត្រូវបានរថយន្តសង្គ្រោះបន្ទាន់របស់មន្ទីពេទ្យបង្អែកប៉ោយប៉ែតដឹកយកទៅសង្គ្រោះភ្លាមៗ រីឯម្នាក់ទៀតរងរបួសស្រាល ក្នុងហេតុការគ្រោះថ្នាក់ចរាចរណ៍រវាងរថយន្តម៉ាកលុចស៊ីស RX 330 ព័ណ ស ពាក់ស្លាកលេខ ភ្នំពេញ 2BQ – 8608 បើកបរដោយបុរសជនជាតិចិន បុកជាមួយម៉ូតូម៉ាកវេវ ពាក់ស្លាកលេខ ANCOAES ស–20 (អង្គការ)បើកបរក្នុងទិសដៅស្របទិសគ្នា ពីលិចទៅកើត ។ហេតុការណ៍នេះបានកើតឡើងនៅលើកំណាត់ផ្លូវជាតិលេខ ៥ ខាងមុខ បុរីសុខស្រេង ១ ស្ថិតនៅក្នុងភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ កាលពីវេលាម៉ោងជិត ០១ រំលងអាធ្រាតឈានចូលថ្ងៃទី២៥ ខែមីនា ឆ្នាំ២០២៣ ។
បើតាមប្រភពពីអ្នកឃើញហេតុការណ៍នៅកន្លែងកើតហេតុបានឲ្យដឹងថា មុនពេលជួបគ្រោះថ្នាក់ចរាចរណ៍នេះ បានឃើញរថយន្តម៉ាកលុចស៊ីខាងលើ បានបើកបរក្នុងទិសដៅពីលិចទៅកើត លុះមកដល់ចំណុចកើតហេតុខាងលើ បានបត់ចូល ដោយខ្វះការប្រុងប្រយ័ត្នគ្មានការសញ្ញូ ក៏ត្រូវម៉ូតូម៉ាកវេវ ឌុបគ្នាចំនួន៣នាក់ជិះស្របទិសគ្នាចាប់ហ្វាំងមិនទាន់ ទើបបណ្តាលឲ្យបុកពេញទំហឹងតែម្តង បណ្តាលឲ្យរបួសធ្ងន់ម្នាក់(អ្នកឌុប) និងស្រាលម្នាក់ ។ក្រោយពីកើតហេតុភ្លាមគេសង្គេតឃើញវត្តមានកម្លាំងយោធា និងកម្លាំងនគរបាលផ្នែកចរាចរណ៍ បានចុះជួយអន្តរាគម និងធ្វើការវាស់វែងតាមជំនាញ រួចនាំយកមធ្យោបាយពាក់ព័ន្ធទាំងអស់យកទៅរក្សាទុកនៅអធិការដ្ឋាននគរបាលក្រុងប៉ោប៉ែត ដើម្បីរងចាំដោះស្រាយគ្នាជាក្រោយ ៕
