គួរឲ្យរន្ធត់ខ្លាំងណាស់ យុវតី១នាក់ក្នុងចំណោម៣នាក់ បានស្លាប់ក្នុងហេតុការគ្រោះថ្នាក់ចរាចរណ៍ដែលបង្កឡើងដោយរថយន្តនីសាន់ណាវ៉ារ៉ា កិនពីលើ នៅក្រុងសិរីសោភ័ណ
ខេត្តបន្ទាយមានជ័យ៖ពិតជាសង្វែកខ្លាំងណាស់ យុវតី០៣នាក់ ជិៈម៉ូតូទាក់ដៃចង្កូតរថយន្តលុចស៊ីសRX.300ដួលចូលរថយន្តនីសាន់ណាវ៉ារ៉ា កិនស្លាប់ម្នាក់ ក្រោយបញ្ជូលដល់មន្ទីពេទ្យ និងរបួស២នាក់នៅក្រុងសិរីសោភ័ណ។ហេតុការណ៍នេះបានកើតឡើងនៅថ្ងៃទី០៨ ខែមិថុនា ឆ្នាំ២០២៣ តាមបណ្តោយផ្លូវជាតិលេខ៥ ស្ថិតនៅក្នុងភូមិ/សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។
អ្នកឃើញហេតុការណ៍បានប្រាប់ថា៖នៅមុនពេលកើតយុវតី៣នាក់ជាសិស្សសាលាបានជិៈម៉ូតូស៊ូមឺអ៊ិចតាមបណ្តោយផ្លូវជាតិលេខ៥ ក្នុងទិសដៅពីកើតមកលិចលុះមកដល់ចំណុចកើតហេតុខាងលើក៏បានទាក់ដៃចង្កូតជាមួយរថយន្តលុចស៊ីសRX.300ដែលបើកបរស្របទិសគ្នា បណ្តាលដួលត្រូវរថយន្តធុននីសាន់ណាវ៉ារ៉ាបានបើកបរស្របទិសគ្នាបានកិនយុវតីម្នាក់ចំក្បាល បណ្តាលរបួសធ្ងន់ម្នាក់ និងរបួសស្រាល២នាក់ ត្រូវបានសង្គ្រោះ។
ក្រោយគ្រោះថ្នាក់ចរាចរណ៍កើតឡើងឃើញមានមន្ត្រីនគរបាលចរាចរណ៍ផ្លូវគោកខេត្តបន្ទាយមានជ័យ បានមកដល់បានហៅរថយន្តសង្គ្រោះមន្ទីពេទ្យបង្អែកក្រុងសិរីសោភ័ណ បានទទួលយកជនរងគ្រោះម្នាក់ដែលរបួសធ្ងន់សន្លប់ស្តូកស្តឹងហូឈាមតាមមាត់និងត្រចៀកហើយត្រូវបានសង្គ្រោះកាន់មន្ទីពេទ្យមិត្តភាពកម្ពុជា.ជប៉ុនមង្គលបូរីភ្លាមៗ ដល់មន្ទីពេទ្យទទួលព័ត៌មានជនរងគ្រោះត្រូវបានស្លាប់។
មន្ត្រីនគរបាលចរាចរណ៍បានបញ្ជាក់ថា៖មូលហេតុគ្រោះថ្នាក់ចរាចរណ៍កើតឡើងគឺយុវតីជាសិស្សសាលាប៣នាក់បានជិៈម៉ូតូទាក់ដៃចង្កូតជាមួយរថយន្តលុចស៊ីសRX.300ហើយដួលត្រូវបានរថយន្តនីសាន់ណាវ៉ារ៉ាបើកបរស្របទិសគ្នាកិនបណ្តាលអោយយុវតីម្នាក់សន្លប់ស្តូកស្តឹង ត្រូវបានសង្គ្រោះនិងរថយន្តលិចស៊ីសទាក់ដៃចង្កូតបានបើករថយន្តគេចបាត់។
មន្ត្រីនគរបាលចរាចរណ៍បានបញ្ជាក់ថា៖ក្រោយគ្រោះថ្នាក់ចរាចរណ៍កើតឡើងកម្លាំងជំនាញបានធ្វើការវាសវែងហើយយករថយន្តដែលបង្កនិងម៉ូតូជនរងគ្រោះយកទៅរក្សាទុកនៅស្នងការដ្ឋាននគរបាលខេត្ត ដើម្បីអនុវត្តតាមច្បាប់ចរាចរណ៍ផ្លូវគោក៕
