ម៉ូតូ២គ្រឿងបុកគ្នាពេញទំហឹង បណ្តាលម្នាក់ស្លាប់ និងរបួសធ្ងន់ម្នាក់ នៅស្រុកមង្គលបូរី
ខេត្តបន្ទាយមានជ័យ៖បុរសម្នាក់បានស្លាប់ និងម្នាក់ទៀតរងរបួសធ្ងន់ ក្នុងហេតុការគ្រោះថ្នាក់ចរាចរណ៍រវាងម៉ូតូនិងបុកគ្នាពេញទំហឹង កាលពីល្ងាចថ្ងៃទី០៤ ខែសីហា ឆ្នាំ២០២៣ ស្ថិតភូមិភ្នំធំ ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ។
ប្រភពព័ត៌មានពីកន្លែងកើតហេតុការណ៍បានឲ្យដឹងថា៖នៅមុនពេលជួបគ្រោះថ្នាក់ចរាចរណ៍នេះកើតឡើង គឺស្ត្រីម្នាក់ជាសិស្សសាលាបានជិៈម៉ូតូម៉ាកហុងដាឌ្រីម បើកបរតាមបណ្តោយផ្លូវជាតិលេខ៥ ក្នុងទិសដៅពីត្បូងទៅជើង ហើយមានបុរសម្នាក់ជិៈម៉ូម៉ាក់ម៉ាកអ៊ិចសាយទ័រ បើកបរស្របទិសគ្នាបានបុកពីក្រោយពេញទំហឹង បណ្តាលដួលរបួសស្ត្រីរងគ្រោះរបួសធ្ងន់ និងបុរសបានទៅបុកបង្គោលភ្លើងបែកក្បាលស្លាប់នៅនឹងកន្លែងតែម្តង។
ក្រោយកើតកើតហេតុមន្ត្រីនគរបាលចរាចរណ៍ផ្លូវគោកស្រុកមង្គលបូរី បានចុះទៅពិនិត្យនិងធ្វើការវាស់វែងតាមជំនាញ។ពាក់ព័ន្ធករណីខាងលើនេះ មន្ត្រីនគរបាលចរាចរណ៍បានឲ្យដឹងថា មូលហេតុដែលបណ្តាលឲ្យមានគ្រោះថ្នាក់ចរាចរណ៍កើតឡើង គឺបង្កឡើងដោយដោយបុរសជនរងគ្រោះបានបើកម៉ូតូបុកពីក្រោយស្ត្រីជាសិស្សសាលា បណ្តាលស្លាប់ម្នាក់ និងរបួសម្នាក់ធ្ងន់ ត្រូវបានបញ្ជូនទៅសង្គ្រោះនៅឯមន្ទីពេទ្យភ្លាមៗផងដែរ។
មន្ត្រីនគរបាលបានបញ្ជាក់ថា៖ក្រោយវាស់វែងហើយ ជនរងគ្រោះដែលបានស្លាប់ ត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណីយ៍ ចំណែកមធ្យោបាយទាំងពីម៉ូតូ ដែលបង្កហេតុ ត្រូវបានយកទៅរក្សាទុកនៅអធិការដ្ឋានគរបាលស្រុកមង្គលបូរី ដើម្បីដោះស្រាយតាមច្បាប់ជាក្រោយ៕
