បែកធ្លាយខារ៉ាអូខេ(KTV) ក្នុងក្រុងប៉ោយប៉ែត បង្កប់ល្បែងស៊ីសង និងគ្រឿងញៀនយ៉ាងពេញបន្ទុក នគរបាលចុះពិនិត្យនិងណែនាំរួចឲ្យម្ចាស់ធ្វើកិច្ច
ខេត្តបន្ទាយមានជ័យ៖ក្រោយពីមានការបែកធ្លាយរូបភាព និងវីដេអូរ ចេញពីក្នុងខារ៉ាអូខេ (KTV) មានទាំងល្បែងស៊ីសង និងប្រើប្រាស់សារធាតុញៀន យ៉ាងសប្បាយនោះ នាថ្ងៃទី១៣ ខែមករា ឆ្នាំ២០២៤ កម្លាំងនគរបាលក្រុងប៉ោយប៉ែត បានចុះត្រួតពិនិត្យ និងណែនាំឲ្យម្ចាស់ខារ៉ាអូខេ(KTV) ធ្វើកិច្ចសន្យាដោយតម្រូវឲ្យ
១–ត្រូវគោរពច្បាប់នៃព្រះរាជាណាចក្រកម្ពុជា។
២–មិនអនុញ្ញាតឱ្យប្រើប្រាស់និងជួញដូរគ្រឿងញៀននៅក្នុងខារ៉ាអូខេ
៣–មិនជួញដូររកស៊ីផ្លូវភេទ
៤–មិនប្រព្រឹត្តបទល្មើសផ្សេងៗ
៥–ត្រូវចូលរួមសហការជាមួយសមត្ថកិច្ច ឬអាជ្ញាធរមូលដ្ឋានគ្រប់លំដាប់ថ្នាក់
៦–ត្រូវរាយការណ៍ជូនសមត្ថកិច្ចរាល់មានបទល្មើសផ្សេងៗ
៧–មិនបង្កប់ល្បែងស៊ីសងខុសច្បាប់ នៅក្នុងខារ៉ាអូខេ ។
ខារ៉ាអូខេ(KTV)ដែលកម្លាំងនគរបាលចុះធ្វើកិច្ចសន្យានោះមាន
១–ទីតាំងខារ៉ាអូខេ ដែលមានឈ្មោះថា ជីប្រាំបួន (G9) ស្ថិតនៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
២–ទីតាំងខារ៉ាអូខេ ដែលមានឈ្មោះថា អេហ្សីប ខេធីវី(A.ZIB KTV) ស្ថិតនៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ។
សូមបញ្ជាក់ផងដែរថា រូបភាពវីដេអូ ចំនួនបីឃ្លីប គឺចេញពីខារ៉ាអូខេ (G9 KTV )ពាក់ពន្ធ័និងការប្រើប្រាស់នូវសារធាតុញៀន របស់មន្ត្រីនគរបាលម្នាក់ ត្រូវបានស្នងការដ្ឋាននគរបាលខេត្ដបន្ទាយមានជ័យ នាំយកទៅតេសទឹកនោម គឺវិជ្ជមាននូវសាធាតុញៀន ដោយលោកឧត្ដមសេនីយទោ សិទ្ធ ឡោះ ស្នងការនគរបាលខេត្ដ បានបញ្ជាក់ថា នឹងចាត់ការតាមវិន័យកងកម្លាំងដោយយកទៅស្ដានិតិសម្បទា ហើយបណ្ដេញចេញពីនគរបាល។
ក្រោយពីមានការផ្សព្វផ្សាយពាក់ព័ន្ធករណីខារ៉ាអូខេ(KTV) បង្កប់ល្បែងស៊ីសង និងគ្រឿងញៀន រហូតកម្លាំងនគរបាលចុះត្រួតពិនិត្យ និងឲ្យម្ចាស់ខារ៉ាអូខេ(KTV) ធ្វើកិច្ចសន្យានោះ នាថ្ងៃទី១៤ ខែមករា នេះឃើញថា ខារ៉ាអូខេដែលមានឈ្មោះថា “អេហ្សីប ខេធីវី“ នូវតែបន្តបើកទាំងយប់ទាំងថ្ងៃដដែល។ជាធម្មតាខារ៉ាអូខេ នីមួយៗពោលគឺខារ៉ាអូខេផ្សេងទៀតបើកត្រឹមពាក់កណ្ដាលអាធ្រាតឬក៏លើសបន្តិចបិត ហើយភ្លេងបទចម្រៀង ខារ៉ាអូខេ វាមានបទគ្រប់ទម្រង់តាមចំណង់ចំណូលចិត្តអ្នកច្រៀងដូចជា: រាំវង់ រាំក្បាច់ សារ៉ាវ៉ាន់ ឡាំលាវជាដើម តែសម្រាប់ខារ៉ាអូខេដែលមានឈ្មោះថា “អេហ្សីប ខេធីវី“នេះ ភ្នាក់ងារយើងធ្វើដំណើរខាងមុខ ខារ៉ាអូខេ ខាងលើ ឮតែភ្លេងចាក់ញាក់ញ័រវ៉ៃឡើងដដែល ទៅម៉ោង 8:00 ,ម៉ោង 10:00 ,ថ្ងៃត្រង់,ម៉ោង 3:00 ,ពេលយប់ក៏ឮញាក់ អត់មានប្តូបទផ្សេងនោះទេ វាហាក់ដូចជាខុសពីខារ៉ាអូខេ ផ្សេងៗទៀត ទោះជាប្រើស្នេហ៍ឬមន្តអាគមទាក់ទាញភ្ញៀវខ្លាំងយ៉ាងណាក៏មិនដល់ថ្នាក់ហ្នឹង។ដូច្នេះសូមស្នើឲ្យថ្នាក់ដឹកនាំបើកការស៊ើបអង្គេតនិងទប់ស្កាត់ឲ្យបានទាន់ពេលវេលា ដើម្បីកុំឲ្យខូចអនាគតយុវជនដែលជាតំពាំងស្នងឬស្សី ក្លាយទៅជាទំពាំស្អុយនាថ្ងៃអនាគត ព្រោះថា បច្ចុប្បន្ននេះល្បែងស៊ីសង និងគ្រឿងញៀនកំពុងចាប់ផ្តើមវ៉ៃលុកចូលក្នុងខារ៉ាអូខេ បណ្តើរៗដែលមិនធ្លាប់កើតមាន ជាក់ស្តែងដូចជាពេលនេះជាដើម៕សូមទស្សនាវីដេអូដែលមានដូចខាងក្រោម៖
