ព័ត៌មានជាតិ
លោកឧត្ដមសេនីយ៍ត្រី សឹង្ហ ទុំ ដឹកនាំកម្លាំងដឹកទឹកចែកជូនប្រជាពលរដ្ឋ ដែលខ្វះខាតទឹកប្រើប្រាស់
(បន្ទាយមានជ័យ)៖នាថ្ងៃទី០៣ ខែឧសភា ឆ្នាំ២០២៤ លោកឧត្ដមសេនីយ៍ត្រី សឹង្ហ ទុំ មេបញ្ជាការកងពលតូចថ្មើរជើងលេខ៥១ បានដឹកនាំកម្លាំងចំនួន ៤៥នាក់ ដឹកទឹកចែកជូនប្រជាពលរដ្ឋដែលខ្វះខាតទឹកប្រើប្រាស់ សរុបចំនួន ១៧គ្រួសារ ដោយប្រើប្រាស់រថយន្តធំចំនួន ៣គ្រឿង នឹងរថយន្តតូចចំនួន ២គ្រឿង ស្ថិតនៅភូមិតាអ៊ុន ឃុំទានកាំ ស្រុកព្រះនេត្រព្រះ ខេត្តបន្ទាយមានជ័យ។
ក្នុងឱកាសនោះដែរ អាជ្ញាធរមូលដ្ឋាន រួមទាំង ប្រជាពលរដ្ឋ មានសេចក្តីរំភើប ត្រេកអរ និងបានថ្លែងអំណរគុណ យ៉ាងជ្រាលជ្រៅបំផុត ជូនចំពោះសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចកម្ពុជា និងកងកម្លាំងដែលបានគិតគូពីសុខទុក្ខរបស់ប្រជាពលរដ្ឋ កំពុងជួបការលំបាកខ្វះខាតទឹកប្រើប្រាស់ប្រចាំថ្ងៃ៕
