បន្ទាយមានជ័យ៖នៅព្រឹកថ្ងៃចន្ទ ១៣រោច ខែចេត្រ ឆ្នាំរោង ឆស័ក ពស ២៥៦៧ ត្រូវនឹងថ្ងៃទី០៦ ខែឧសភា ឆ្នាំ២០២៤ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានអញ្ជើញដឹកនាំកម្លាំងនគរបាលទូទាំងខេត្ត គោរពទង់ជាតិ នៃព្រះរាជាណាចក្រកម្ពុជា ។
ពិធីនេះក៏មានការអញ្ជើញចូលរួមពី លោក លោកស្រី ឧត្តមសេនីយ៍ វរសេនីយ៍ ស្នងការរង លោក–លោកស្រី នាយការិយាល័យ និងមន្រ្តីនគរបាលចំណុះស្នងការដ្ឋាននគរបាលខេត្តបន្ទាយមានជ័យ ជាច្រើនរូប។
ថ្លែងក្នុងឱកាសនោះ លោកឧត្តមសេនីយ៍ទោ សិទ្ធិ ឡោះ បានជម្រុញដល់កងកម្លាំងនគរបាលទាំងអស់ត្រូវបន្តយកចិត្តទុកដាក់ឲ្យបានខ្ពស់ លើការងាររបស់ខ្លួន ប្រកបដោយសីលធម៌
១–ត្រូវពង្រឹងការគោរពច្បាប់ វិន័យ និងបទបញ្ជាតាមឋានានុក្រម
២–ត្រូវពង្រឹងការអនុវត្ត តួនាទី ភារកិច្ច ការផ្ដល់សេវាសាធារណ: , ការបង្កាបង្ក្រាបបទល្មើសគ្រប់ប្រភេទ ការយាមល្បាត និងការប្រចាំបញ្ជា៕
