លោកជំទាវ បាន ស្រីមុំ អញ្ជើញជួបសំណេះសំណាល សួរសុខទុក្ខ និងផ្តល់អំណោយមនុស្សធម៌ដល់មេភូមិអនុភូមិ និងប្រជាការពារ នៅក្រុងប៉ៃលិ

(ខេត្តប៉ៃលិន) នៅថ្ងៃទី២០ ខែកញ្ញា ឆ្នាំ២០២៤នេះ លោកជំទាវ បាន ស្រីមុំ អភិបាលខេត្តប៉ៃលិន និងជាប្រធានសាខាកាកបាទក្រហមកម្ពុជាខេត្ត ព្រមទាំងក្រុមការងារ បានអញ្ជើញជួបសំណេះសំណាល សួរសុខទុក្ខ ផ្តល់អំណោយមនុស្សធម៌ និងផ្សព្វផ្សាយពីសារៈសំខាន់គម្រោងព្រែកជីកហ្វូណនតេជោ គម្រោងអភិវឌ្ឍន៍តំបន់ត្រីកោណ CLV-DTA ជូនដល់មេភូមិ អនុភូមិ សមាជិកភូមិ និងប្រជាការពារសង្កាត់បរយ៉ាខា និងសង្កាត់ទួលល្វា ខេត្តប៉ៃលិន អោយបានយល់ជ្រួតជ្រាបកាន់តែច្បាស់ ក្រោមអធិបតីភាព ឯកឧត្តមទេសរដ្ឋមន្ត្រី អ៉ី ឈាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន៕