ក្រសួងធម្មការ និងសាសនាចុះធ្វើបច្ចុប្បន្នភាព មន្ត្រីរាជា មន្ត្រីសង្ឃ គ្រូពុទ្ធិសិក្សា គណៈគ្រប់គ្រង និង មន្ត្រីជាប់កិច្ចសន្យា
(បន្ទាយមានជ័យ)៖យោងតាមលិខិតបញ្ជា របស់ក្រសួងធម្មការនិងសាសនា លេខ២៨១/២៤ របស់ឯកឧត្ដម ចាយ បូរិន រដ្ឋមន្ត្រីក្រសួងធម្មការនិងសាសនា បានឧទ្ទេសនាមគណៈប្រតិភូមួយក្រុម ដឹកនាំដោយលោក រិត ខេមរារស្មី ប្រធាននាយកដ្ឋាន ដើម្បីចុះធ្វើបច្ចុប្បន្នភាពមន្ត្រីរាជការស៊ីវិល មន្ត្រីសង្ឃ គ្រូពុទ្ធិកសិក្សា គណគ្រប់គ្រងមន្ត្រីជាប់កិច្ចសន្យា និងគ្រូពុទ្ធិកៈជាប់កិច្ចសន្យានៅមន្ទីរធម្មការនិងសាសនាខេត្តបន្ទាយមានជ័យ សម្រាប់ឆ្នាំ ២០២៣-២០២៤ នាព្រឹកថ្ងៃទី១១ ខែតុលា ឆ្នាំ២០២៤។
លោក រិត ខេមរារស្មី ប្រធាននាយកដ្ឋាន នៃក្រសួងធម្មការនិងសាសនា បានមានប្រសាសន៍ថា ការចុះធ្វើបច្ចុប្បន្នភាពនាថ្ងៃនេះ ទៅក្នុងគោលបំណងបញ្ជាក់ពីភាពត្រឹមត្រូវច្បាស់លាស់ចំពោះមន្ត្រីរាជការ ស៊ីវិល ព្រះមន្ត្រីសង្ឃ លោកគ្រូ អ្នកគ្រូ ពុទ្ធកសិក្សាទូទាំងខេត្ត។ យើងដឹងហើយថា វិស័យព្រះពុទ្ធសាសនា តែងតែអប់រំមនុស្ស ឱ្យធ្វើនូវអំពើល្អ ស្គាល់បុណ្យ បាបគុណទោសវៀរចាកនូវអំពើអាក្រក់ទាំងឡាយទាំងពួង នឹងមានការសន្ដោសយើងយល់អធ្យាស្រ័យគ្នាទៅវិញទៅមក។
លោកប្រធាននាយកដ្ឋានបានបញ្ជាក់បន្ថែមថា យើងទាំងអស់ អ្នកដែលកំពុងអាស្រ័យផលនៃសុខសន្តិភាព ត្រូវចេះរួបរួមសាមគ្គីគ្នា ចូលរួមថែរក្សាការពារទាំងអស់គ្នា ទោះក្នុងតម្លៃណាក៏ដោយ ត្រូវការពារសន្តិភាពឲ្យខាងតែបាន ព្រោះសន្តិភាពនេះ ពិតជាមានតម្លៃពុំអាចកាត់ថ្លៃបាននោះឡើយ។ បើតាមប្រវត្តិ បទពិសោធន៍ជាក់ស្ដែងនៅក្នុងសង្គមខ្មែរ បានបង្ហាញថា វត្តអារាម និងព្រះសង្ឃជាប្រភពសម្រាប់បណ្ដុះបញ្ញាញាណជាថ្នាលបណ្ដុះគ្រាប់ពូជបញ្ញវន្តសម្រាប់ការអភិរក្ស និងអភិវឌ្ឍជាតិលើគ្រប់វិស័យ ដើម្បីឲ្យប្រទេសជាតិមួយមានការអភិវឌ្ឍប្រកបដោយសមធម៌ មានចិរភាព ទាមទារឲ្យមានការអប់រំផ្នែកសីលធម៌ គុណធម៌និងចរិយាធម៌ ជាចាំបាច់មិនអាចខ្វះបាន ដោយសារតែការអប់រំតាមគន្លងនៃមាគ៌ាព្រះពុទ្ធសាសនានេះឯង ។ ចុងក្រោយ ព្រះមន្ត្រីសង្ឃ ព្រះសង្ឃគណៈកម្មការអាចារ្យវត្ត រួមទាំងពុទ្ធបរិស័ទទាំងអស់ បន្តខិតខំយកចិត្តទុកដាក់រួមគ្នាអនុវត្តនូវគោលនយោបាយ យុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ ដែលមាន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ជាប្រមុខដឹកនាំបានផ្តល់នូវ គ្រប់បែបយ៉ាង ធ្វើឲ្យវិស័យព្រះពុទ្ធសាសនា កាន់តែមានជំនឿជឿជាក់ពីប្រជាពលរដ្ឋ ពីមួយថ្ងៃទៅមួយថ្ងៃគួរឲ្យកត់សម្គាល់ គឺព្រះពុទ្ធសាសនា បានរួមចំណែកអភិវឌ្ឍវិស័យហេដ្ឋារចនាសម្ព័ន្ធសង្គមដូចជា ស្ពានវត្តអារាម សាលារៀន មន្ទីរពេទ្យកាកបាទក្រហម ការងារសង្គមការងារមនុស្សធម៌ និងការអប់រំសីលធម៌ ចរិយាធម៌ គុណធម៌ និងសុជីវធម៌ដល់ពុទ្ធបរិស័ទ សិស្សានុសិស្សនិងប្រជាពលរដ្ឋ៕
