បុរសវ័យ ៣២ឆ្នាំម្នាក់ គាំងបេះដូងស្លាប់ នៅក្នុងក្លឹបកំសាន្តមួយកន្លែងក្នុងសង្កាត់អូរជ្រៅ
(បន្ទាយមានជ័យ) ករណីគាំងបេះដូងបណ្ដាលអោយបុរសម្នាក់ស្លាប់ នៅចំណុចក្លឹបកំសាន្តមួយកន្លែង ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ បង្កការភ្ញាក់ផ្អើល នៅវេលាម៉ោង០៣ និង១០នាទីទាបភ្លឺ ថ្ងៃទី១១ ខែតុលា ឆ្នាំ២០២៤ ។
បើតាមប្រព័ត៌មានបានឲ្យដឹងថា សពជនរងគ្រោះមានឈ្មោះ សុវណ្ណ ឧត្តម ភេទប្រុស អាយុ ៣២ឆ្នាំ មុខរបរអ្នកគ្រប់គ្រងបុគ្គលិកក្រុមហ៊ុនក្រឡុកស៊ីម៉ង់B.B.Q ស្ថិតក្នុងភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
ក្រោយពីទទួលបានព័ត៌មាននេះភ្លាមអាជ្ញាធរមូលដ្ឋាន កម្លាំងសមត្ថកិច្ចបានចុះទៅដល់ទីតាំងធ្វើការត្រួតពិនិត្យ លុះនៅវេលាម៉ោង១២ និង៤៧នាទី ថ្ងៃខែឆ្នាំដដែល ដោយមានការសម្របសម្រួលពី ឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ បានបង្កើតគណៈកម្មការត្រួតពិនិត្យសាកសព ឃើញថា :
១–ផ្នែកក្បាលពុំមានស្លាកស្នាមអ្វីគួរអោយកត់សម្គាល់
២–ផ្នែកដងខ្លួនពុំមានអ្វីគួរអោយកត់សម្គាល់
៣–ផ្នែកអវយវៈ ពុំមានអ្វីគួរអោយកត់សម្គាល់ ។ក្រោយពីធ្វើការពិនិត្យនឹងធ្វើកោសល្យវិច័យរួចរួចជាលទ្ធផលសន្និដ្ឋានរបស់ក្រុមការងារត្រួតពិនិត្យសាកសព បញ្ជាក់ថា សាកសពបានស្លាប់ដោយសារ គាំងបេះដូងពុំមានពាក់ព័ន្ធនឹងអំពើអត្តឃាត ឬឃាតកម្មនោះទេ។
បច្ចុប្បន្នសាកសព ត្រូវបានប្រគល់ជូនសាច់ញាតយកទៅធ្វើបុណ្យតាមប្រពៃណីនៅភូមិរទាំង ឃុំភូមិធំ ស្រុកគៀនស្វាយ ខេត្តកណ្តាល៕