បុរសចិត្តខ្លាំង១នាក់ កាន់កាំបិតតាំងតោកាប់មនុស្ស០២នាក់រងរបួស ត្រូវនគរបាលស្រុកស្វាយចេកចាប់ឃាត់ខ្លួន
(បន្ទាយមានជ័យ)៖ជនសង្ស័យ១នាក់ ដែលធ្វើសកម្មភាពដោយដើរកាន់កាំបិតតាំងតោកាប់មនុស្សចំនួន០២នាក់ បណ្តាលឲ្យរងរបួសដឹកបញ្ជូនទៅសង្គ្រោះនៅឯមន្ទីពេទ្យ នាថ្ងៃទី០៨ មិថុនា ឆ្នាំ២០២២ វេលាម៉ោង០៧និង២០នាទី ត្រូវបានកម្លាំងនគរបាលស្រុកស្វាយចេក ចាប់ឃាត់ខ្លួនយកទៅសាកសួរ។
សមត្ថកិច្ចបានឲ្យដឹងថា ជនសង្ស័យមានឈ្មោះ លន់ ឡាត់ ភេទប្រុស អាយុ៣១ឆ្នាំ រស់នៅភូមិខ្លែងពណ៌ជើង ឃុំស្លក្រាម ស្រុកស្វាយចេក ខេត្តបន្ទាយមានជ័យ។ចំណែកជនរងគ្រោះមានឈ្មោះ រ៉ាន ភេទប្រុស អាយុ៥៣ឆ្នាំ រស់នៅភូមិខ្លែងពណ៌ជើង ឃុំស្លក្រាម ស្រុកស្វាយចេក (របួសក្បាល ០១កន្លែងដេរ១៥ធ្នេរ ខ្នងផ្នែកខាងឆ្វេង០១កន្លែង ដេរ០៧ធ្នេរ ចិញ្ចើមខាងស្តាំដេរ០៣ធ្នេរ) និងឈ្មោះ សរ ធៀម ភេទប្រុស អាយុ៣៨ឆ្នាំ រស់នៅភូមិឃុំជាមួយគ្នា(របួសខ្នងដៃខាងស្តាំ ដេរ៣០ធ្នេរ)។
សមត្ថកិច្ចបន្តថា នៅមុនពេលកើតហេតុ ខណៈដែលជនរងគ្រោះឈ្មោះ ស ធៀម កំពុងអង្គុយលេងជាមួយកូនស្រី នៅនឹងមុខផ្ទះរបស់ខ្លួនក៏ត្រូជនបង្កកាន់កាំបិតមកកាប់ ពេលនោះឈ្មោះ អុក រាន បានមកជួយតែជនសង្ស័យកាបទៅលើកជនរងគ្រោះឈ្មោះ អុក រាន ម្នាក់ទៀតចំនួន០៣កាំបិត បណ្តាលរងរបួសទាំងពីរនាក់ ត្រូវបានបងប្អូនដឹកយកទៅព្យាបាលនៅមន្ទីរសម្រាកព្យាបាលព្រំ វណ្ណារឹទ្ធ ស្រុកស្វាយចេក។ក្រោយេពីកើតហេតុ សមត្ថកិច្ចបានឃាត់ខ្លួនជនសង្ស័យាងលើ នាំយកទៅប៉ុស្តិ៍នគរបាលរដ្ឋបាលស្លក្រាម ដើម្បីរៀបចំកសាងសុំណុំរឿងចាត់ការតាមនិតិវិធី ។សមត្ថកិច្ចបញ្ជាក់ថា ជនសង្ស័យខាងលើនេះធ្លាប់កើតសរសៃប្រាសាទរយះពេល០៣ខែមកហើយ៕
