ម៉ូតូដឹកគ្រឿងឧបភោគ បរិភោគកម្មង់ដាក់ឲ្យម៉ូយតាមផ្ទះ បើកបរក្នុងល្បឿនលឿន ទៅបុករថយន្តប្រភេទCR-V ដែលកំពុងឆ្លងផ្លូវពេញទំហឹង សំណាងល្អមិនមានអ្នកគ្រោះថ្នាក់
(ខេត្តបន្ទាយមានជ័យ)៖សូមមានការប្រុងប្រយ័ត្នផង អ្នកនៅក្រុងប៉ោយប៉ែត ម៉ូតូដឹកគ្រឿងឧបភោគ បរិភោគកម្មង់ដាក់តាមផ្ទះ បើកបលឿនណាស់ ជាក់ស្តែងនៅវេលាម៉ោងជាង១រសៀល ថ្ងៃទី៣ ខែមិថុនា ឆ្នាំ២០២៣ មានម៉ូតូHONDA ពាក់ស្លាកលេខ ប មានជ័យ 1S-9247 ដឹកគ្រឿងឧបភោគ បរិភោគកម្មង់ដាក់តាមផ្ទះ (មិនស្គាល់ក្រុមហ៊ុន)បានបើកបោះពួយយ៉ាងល្បឿនលឿន ទៅបុកនឹងរថយន្តប្រភេទ CR-V ដែលកំពុងឆ្លងផ្លូវ ត្រង់ចំណុចក្រាស់សាំង ptt ផ្លូវចេញចូលអតីតបេនឡានក្រុងប៉ោយប៉ែត ស្ថិតនៅក្នុងភូមិបាលិលេយ្យ ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ សំណាងល្អមិនមានអ្នកគ្រោះថ្នាក់ គ្រាន់តែខូចខាតម៉ូតូតែប៉ុណ្ណោះ ។
ពាក់ព័ន្ធករណីគ្រោះថ្នាក់ចរាចរណ៍នេះដែរ បើតាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលជួបគ្រោះថ្នាក់ចរាចរណ៍នេះ គេបានឃើញម៉ូតូខាងលើបានបើកបរក្នុងទិសដៅពីកើតទៅលិចបោះពួយក្នុងល្បឿនលឿន លុះមកដល់ចំណុចកើតហេតុខាងលើ ក៏ស្រាប់តែបុករថយន្តប្រភេទ CR-V ពណ៌ទឹកប្រាក់ពាក់ស្លាកលេខ ភ្នំពេញ 2K-5435 បើកបរដោយបុរសជនជាតិចិន ជាលក្ខណៈគ្រួសារ ខណៈកំពុងបើកឆ្លងផ្លូវក្នុងទិសដៅពីអតីតបេនឡានក្រុង ឆ្លងចូលបានពាក់កណ្ដាលផ្លូវជាតិលេខ ៥ ក៏ត្រូវបានបុកយ៉ាងពេញទំហឹង បណ្ដាលឱ្យខូចខាតម៉ូតូផ្នែកកខាងមុខ តែសំណាងល្អមិនមានអ្នកគ្រោះថ្នាក់ ។
ក្រោយពីកើតហេតុ ទាំងភាគីរថយន្ត និងភាគីខាងម៉ូតូបានប្រកែកគ្នាយកតែត្រូវរៀងៗខ្លួន ។តែទោះយ៉ាងនេះក្តីដោយសារមិនចង់មានរឿងវែងឆ្ងាយភាគីខាងរថយន្ត ក៏បានចេញសំណងខូចខាតចំនួន២០០០បាត (ពីពាន់បាត ប្រាក់ថៃ) ជាការបញ្ចប់រឿងនៅកន្លែងកើតហេតុ ៕
