ពិតជារឿងចំឡែក និងកម្រមាន គ្រួសារដែលមានជីវភាពខ្វះខាត នៅស្រុកសំពៅលូន ប្រសូតកូនពៅ មានកាយសម្បទាខុសប្រក្រតី គឺជើងបួន ដៃបួន
ខេត្តបាត់ដំបង៖ គ្រួសារមួយដែលមានជីវភាពខ្វះខាត ប្រសូតកូនចុងក្រោយ នៅការិយាល័យសុខាភិបាលស្រុកប្រតិបត្តិការសំពៅលូនមន្ទីរពេទ្យបង្អែកសំពៅលូន ស្ថិតក្នុងភូមិសាស្ដា ឃុំតាស្តា ស្រុកសំពៅលូន ខេត្តបាត់ដំបង ក៏ស្រាប់តែមានកាយសម្បទាខុសប្រក្រតី គឺជើងបួន ដៃបួន បង្កការភ្ញាក់ផ្អើល នាថ្ងៃទី១៦ ខែកក្កដា ឆ្នាំ២០២៣ ។
ករណីដែលបង្ករការភ្ញាក់ផ្អើល និងកម្រមាននេះ បានកើតឡើង ខណៈពេលស្ត្រីម្នាក់ឈ្មោះ សាំង ឃីម អាយុ៣២ឆ្នាំ បានប្រសូតកូនប្រុសម្នាក់ ឈ្មោះ សំ ណាង ចម្លែកដោយមានកាយសម្បទាខុសប្រក្រតី គឺជើងបួន ដៃបួន ធ្វើឲ្យគ្រួសារមួយនេះមានអារម្មតក់ស្លុតគួរឱ្យសង្វែកជាពន់ពេកទៅលើទារកដែលកើតមកហើយនោះ។ប្តីមានឈ្មោះសុខ ខេន អាយុ៣៤ឆ្នាំ ដែលមានទីលំនៅភូមិអូកណ្ដុរ ឃុំសន្តិភាព ស្រុកសំពៅលូន ដែលមានស្រុកកំណើត នៅភូមិបារាយណ៍ ឃុំបារាយណ៍ ស្រុកកំពង់ធំ ខេត្តកំពង់ធំ។
ពាក់ព័ន្ធករណីទារកកើតមកមានកាយសម្បទាចម្លែក ខុសប្រក្រតីខាងលើនេះដែរ បើតាមស្ត្រីខាងលើបាននិយាយរៀបរាប់ថា ខ្លួនមានកូនចំនួន ៥នាក់ ក្នុងនោះកូនប្រុស៣ កូនស្រី២ គឺមានលក្ខណៈជាធម្មតា ចំឡែកតែកូនប្រុសចុងក្រោយកើតមកមានមានលក្ខណៈខុសប្លែកពីកូនឯទៀត។អ្វីដែលគួរឲ្យចាប់អារម្មណ៍ហើយអាណិតនោះ គឺក្រុមគ្រួសារកំពុងតែជួបនូវការខ្វះខាតទៀតផង៕
