រថយន្តព្រូសបើកឡើងវ៉ាខ្វះការប្រុងប្រយ័ត្ន បានបុករម៉កដឹកអេតចាយ បណ្តាលរបួសធ្ងន់ម្នាក់ ត្រូវបានដឹកយកទៅសង្គ្រោះនៅមន្ទីពេទ្យក្រុងសិរីសោភ័ណ
ខេត្តបន្ទាយមានជ័យ៖ឧបទ្ទវហេតុគ្រោះថ្នាក់ចរាចរណ៍ បង្កឡើងដោយរថយន្តព្រូសបើកឡើងវ៉ាខ្វះការប្រុងប្រយ័ត្នបានបុករម៉កដឹកអេតចាយ បណ្តាលរងរបួសធ្ងន់ម្នាក់ ត្រូបានដឹកបញ្ជូនទៅសង្គ្រោះបន្ទាន់នៅមន្ទីរពេទ្យភ្លាមៗ នៅរសៀលថ្ងៃទី០៧ ខែកញ្ញា ឆ្នាំ២០២៣ នៅតាមបណ្តោយផ្លួវជាតិលេខ៥ ស្ថិតភូមិ.សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
បើតាមប្រភពព័ត៌មានបានឲ្យដឹងថា៖នៅមុនពេលជួបគ្រោះថ្នាក់ចរាចរណ៍កើតឡើង គឺមានម៉ូតូអូសរម៉កដឹកអេតចាយបានបើកបរតាមដងផ្លូវជាតិលេខ៥ ក្នុងទិសដៅពីកើតមកលិចហើយមានរថយន្តព្រូស១គ្រឿង ពាក់ផ្លាក់លេខសៀមរាប 2C.7225បានបើកបរបញ្ច្រាស់ទិសគ្នាពីលិចមកកើត បានឡើងវ៉ាឆ្វេងមិនប្រយ័ត្នបានបុកពេញទំហឹង បណ្តាលរបួសធ្ងន់បែកក្បាល និងបាក់ជើងឈាមចេញតាមច្រមុះម្នាក់ ជាអ្នកទិញអេតចាយ ត្រូវបានសង្គ្រោះបន្ទាន់។
ក្រោយគ្រោះថ្នាក់ចរាចរណ៍កើតឡើងមន្ត្រីនគរបាលចរាចរណ៍ផ្លូវគោកខេត្តបន្ទាយមានជ័យ បានចុះទៅពិនិត្យវាស់វែងបានប្រាប់ថា៖មូលហេតុគ្រោះថ្នាក់ចរាចរណ៍កើតឡើងបង្កដោយរថយន្តព្រូសឡើងវ៉ាមិនប្រយ័ត្នទៅបុកម៉ូតូរម៉កដឹកអេតចាយបណ្តាលរបួសធ្ងន់ម្នាក់ត្រូវបានសង្គ្រោះបន្ទាន់។
មន្ត្រីនគរបាលចរាចរណ៍ផ្លូវគោកបានបញ្ជាក់ថា៖ក្រោយធ្វើការវាស់វែងហើយរថយន្តបង្ក និងអ្នកបើកបរត្រូវបានបញ្ជូនទៅស្នងការដ្ឋាននគរបាលខេត្តបន្ទាយមានជ័យ ដើម្បីដោះស្រាយគ្នាតាមច្បាប់ចរាចរណ៍ផ្លូវគោក៕
