ឃាតករ ដែលសម្លាប់ប្រពន្ធ កូន នៅខេត្តកណ្តាល ត្រូវបាននគរបាលខេត្តបន្ទាយមានជ័យ ចាប់ខ្លួនបានហើយនារសៀលនេះ
ខេត្តបន្ទាយមានជ័យ៖ដោយអនុវត្តន៍តាមការណែនាំនិងបទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី០៧ ខែតុលា ឆ្នាំ២០២៣នេះ កម្លាំងនគរបាលជំនាញផែនព្រហ្មទណ្ឌខេត្ត និង កម្លាំងអធិការដ្ឋាននគរបាលក្រុងប៉ោយប៉ែត បានឃាត់ខ្លួនសង្ស័យដែលសម្លាប់ប្រពន្ធ និងកូន នៅខេត្តកណ្តាលបានហើយ នាវេលាម៉ោង១:៤០នាទីរសៀលនេះ។
ជនសង្ស័យមានឈ្មោះ ម៉ែន សំអាង ភេទប្រុស អាយុ៣៦ឆ្នាំ ថ្ងៃខែឆ្នាំកំណេីត ១៤–០៧–១៩៨៣ ត្រូវនគរបាលឃាត់ខ្លួន នៅចំនុចភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ពាក់ពន្ធ័ករណីឃាតកម្ម សម្លាប់ប្រពន្ធ និងកូន នៅខេត្តកណ្តាល កាលពីថ្ងៃទី០៦ ខែតុលា ឆ្នាំ២០២៣ ។ប្រពន្ធកូនដែលត្រូវឃាតករ ជាប្តី ឪពុកម្លាប់យ៉ាងព្រៃផ្សៃនោះមានឈ្មោះ ឃឿន ស្រីវលក្ខ័ណ អាយុ៣២ឆ្នាំ និងកូនស្រីឈ្មោះ អឿន ចន្ទសីម៉ា អាយុ២ឆ្នាំ។
បច្ចុប្បន្នជនសង្ស័យកំពុងស្ថិតក្នុងសួនាំ ដើម្បីកសាងសំណុំរឿងបញ្ជូនទៅស្នងការដ្ឋាននគរបាលខេត្តកណ្តាល បន្តនិតីវិធី បញ្ជូនទៅតុលាការចាត់ការតាមច្បាប់៕
