លោកឧត្តមសេនីយ៍ទោ សិទ្ធិ ឡោះ អញ្ជើញចុះសួសុខទុក្ខកម្លាំង ដែលសម្រាកព្យបាលជំងឺនៅមន្ទីពេទ្យបង្អែកសិរីសោភ័ណ
ខេត្តបន្ទាយមានជ័យ៖លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងសហការី នៅថ្ងៃទី១០ ខែតុលា ឆ្នាំ២០២២នេះ បានអញ្ជើញចុះសួសុខទុក្ខ លោកអនុសេនីយ៍ទោ ណប់ ផន មន្រ្តីប៉ុស្តិ៍នគរបាលដើមត្រសេក នៃវរសេនាតូចការពារព្រំដែនគោកលេខ ៨១៥ ដែលជួបគ្រោះថ្នាក់អំឡុងពេលចុះបេសកកម្មបំពេញការងារ។
ក្នុងនោះលោកឧត្តមសេនីយ៍ទោ ស្នងការ ក៏បានចេញថ្លៃសេវាការព្យាបាល និងថតលើផ្នែកក្បាល ដែលជួបការប៉ះទង្គិចខ្លាំង ។ទន្ទឹមនោះលោកឧត្តមសេនីយ៍ទោ ស្នងការ ក៏បានថ្លែងសូមកុំឲ្យមានការព្រួយបារម្ម ថ្នាក់ដឹកនាំគ្រប់ជាន់ថ្នាក់តែងតែនៅជាមួយបងប្អូន នគរបាលគ្រប់រូប សូមថែរក្សា សុខភាព ឲ្យបានល្អ និងជូនពរឆាប់ជាពីជំងឺ។
គួរបញ្ជាក់ផងដែរថា លោកអនុសេនីយ៍ទោ ណប់ផង បានជួបគ្រោះថា្នក់ដោយលោកដើររអិល ដួលទៅក្រោយហើយបោកក្បាលនិងការរូ បណ្តាលឲ្យរបួសធ្ងន់ ក្នុងអំឡុងចុះបំពេញ ការងារ រំដោះទឹកជំនន់នៅសាកលវិទ្យាល័យជាតិមានជ័យ កាលពីថ្ងៃអាទិត្យម្សិលមិញ៕
