លោកឧត្តមសេនីយ៍ត្រី វង្ស វិត នាំយកថវិកាចំនួន៦លានរៀល ទៅប្រគល់ជូនគ្រួសារសព នគរបាលទទួលមរណភាព
(បន្ទាយមានជ័យ)៖នៅព្រឹកថ្ងៃទី០៧ ខែមីនា ឆ្នាំ២០២២នេះ លោកឧត្តមសេនីយ៍ត្រី វង្ស វិត ស្នងការរង ទទួលផែនការងារធនធានមនុស្ស លោកឧត្តមសេនីយ៍ត្រី ប៊ុន ផេង ស្នងការរង ផែនការងារគ្រប់គ្រងអគ្គីភ័យ និងអាវុធជាតិផ្ទុះ តំណាង លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បាននាំយកថវិការចំនួន៦លានរៀល ទៅប្រគល់ជូនគ្រួសារសពនគរបាលដែលទទួលមរណ:ភាព។
លោកវរសេនីយ៍ឯក យី ប៊ុនរឿង នាយការិយាល័យបុគ្គលិក បានឲ្យដឹងថា ការប្រគល់ថវិការជូនគ្រួសារសពនគរបាលមរណៈ១នាក់ គឺលោកអនុសេនីយ៍ឯក កាង សុគួង ដែលបានស្លាប់ដោយជម្ងឺរោគាពាធ។
នាឱកាសនោះលោកឧត្តមសេនីយ៍ត្រី វង្ស វិត ក៏បានសម្តែងនូវមនោសញ្ចេតនា ក្តុកក្តួល អាឡោះអាល័យ ចំពោះការបាត់បង់សមាជិកនគរបាលក្រោមឱវាទ លោកបានចាត់ទុកថា ការបាត់បង់លោកអនុសេនីយ៍ឯក កាង សុគួង គឺជាការបាត់បង់ធនធានមនុស្សដ៏សំខាន់ ដែលលោកធ្លាប់មានស្នាដៃ ក្នុងបុព្វហេតុ បម្រើជាតិ មាតិភូមិ និងការពារសន្តិសុខសណ្តាប់ធ្នាប់ជូនសង្គមជាតិ វីរៈភាពរបស់លោកយើងខ្ញុំទាំងអស់គ្នានឹងចងចាំទុកក្នុងបេះដូង សូមគោរពជូនពរឲ្យវិញ្ញាណក្ខន្ធលោកទៅកាន់សុគតិភព។
ទន្ទឹមគ្នានោះគ្រួសារសព ក៏បានសម្តែងនូវការគោរពថ្លែងអំណរគុណ ដល់ថ្នាក់ដឹកនាំនគរបាលគ្រប់ជាន់ថ្នាក់ ពិសេសលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ដែលតែងតែយកចិត្តទុកដាក់ចំពោះមន្ត្រីក្រោមឱវាទក្នុងគ្រាជួបការលំបាកផ្សេងៗ សូមគោរពជូនពរឲ្យលោកលោកស្រីជួបប្រទះតែពុទ្ធពរ៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ ៕
