អភិបាលខេត្តបន្ទាយមានជ័យ ដឹកនាំកម្លាំងអន្តរាគមន៍ចុះជួលជុលផ្ទះពលរដ្ឋដែលរងគ្រោះដោយសារខ្យល់កន្ត្រាក់
(បន្ទាយមានជ័យ)៖ក្រោយពីមានភ្លៀងធ្លាក់ លាយឡំដោយខ្យល់កន្ត្រាក់កាលពីយប់ថ្ងៃទី២៥ ខែមេសា ឆ្នាំ២០២៣ បណ្តាលឲ្យប៉ះពាល់ដល់ផ្ទះ និងទ្រព្យសម្បត្តិប្រជាពលរដ្ឋនោះនាថ្ងៃទី២៦ ខែមេសា ឆ្នាំ២០២៣ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អមដំណើរដោយអភិបាលរងខេត្ត អភិបាលក្រុងសិរីសោភ័ណ បានដឹកនាំកងកម្លាំងទាំងបី យុវជន អាជ្ញាធរសង្កាត់ ភូមិ ចុះពិនិត្យ និងដឹកនាំកម្លាំងអន្តរាគមន៍ជួយជួសជុលផ្ទះប្រជាពលរដ្ឋដែលរងគ្រោះដោយខ្យល់កន្ត្រាក់ ជាមួយគ្នានោះក៏បានផ្តល់អំណោយជាស័ង្កសី និងឈើ ជួសជុលផ្ទះជូនបងប្អូនប្រជាពលរដ្ឋដែលបានរងគ្រោះដោយខ្យល់កន្ត្រាក់ប៉ះពាល់នៅសង្កាត់ម្កាក់ ៤១ ខ្នង លើ៤១គ្រួសារ។
ឱកាសសាកសួរសុខទុក្ខនេះឯកឧត្តម អ៊ុំ រាត្រី អភិបាលខេត្តបន្ទាយមានជ័យ ការចូលរួមសោកស្តាយចំពោះបាតុភូតធម្មជាតិ ដែលបង្កគ្រោះថ្នាក់ ក៏ដូចជាបំផ្លិចបំផ្លាញទ្រព្យសម្បត្តិប្រជាពលរដ្ឋ។ក្នុងនោះឯកឧត្តមក៏បានណែនាំដល់ប្រជាពលរដ្ឋ ត្រូវមានការប្រុងប្រយ័ត្នចំពោះបាតុភូតធម្មជាតិ ពិសេសខ្យល់កន្ត្រាក់ផងដែរ។បើក្នុងករណីអាកាសមានការប្រែប្រួល រកកលចង់ភ្លៀង សូមបងប្អូនប្រជាពលរដ្ឋទៅរកកន្លែងមានសុវត្ថិភាព ចៀសវាងជ្រកក្រោមដើមឈើ ឬខ្សែភ្លើងជាដាច់ខាត»។
ពាក់ព័ន្ធករណីគ្រោះធម្មជាតិនេះដែរតាមរបាយការណ៍ខេត្តអំពីផលប៉ះដោយខ្យល់កន្ត្រាក់ថ្ងៃទី២៥ ខែមេសា ឆ្នាំ ២០២៣ គិតត្រឹមថ្ងៃទី២៦ ខែមេសា វេលាម៉ោង១១.០០នាទីព្រឹក ប៉ៈពាល់សរុប ចំនួន១៧៣ខ្នង (ធ្ងន់ធ្ងរ៤ខ្នង) លើ១០ឃុំ/សង្កាត់ របើកសង័្គសី១.៣៧០សន្លឹក និងរបួសស្រ្តី២នាក់ ។ក្នុងនោះមាន៖
I-ក្រុងប៉ោយប៉ែត ចំនួន២០ខ្នង
–សង្កាត់និមិត្ត ២០ខ្នង
II.ស្រុកម៉ាឡៃ ៤០ខ្នង (ធ្ងន់ធ្ងរ៤ខ្នង) ស័ង្គសី ៤៨៧សន្លឹក របួសស្រ្តី ១នាក់
–ឃុំបឹងបេង ៨ខ្នង (ធ្ងន់ធ្ងរ៤ខ្នង) ស័ង្គសី ១៦៧សន្លឹក របួស ១នាក់
–ឃុំអូរសំព័រ ៩ខ្នង ស័ង្គសី៣៩សន្លឹក
–ឃុំអូរស្រឡៅ ១១ខ្នង ស័ង្គសី១៣០សន្លឹក
–ឃុំម៉ាឡៃ ៧ខ្នង
–ឃុំទួលពង្រ ៥ខ្នង ១១២សន្លឹក
III.ស្រុកអូរជ្រៅចំនួន ៣៤ខ្នង
–ឃុំចង្ហា ១៩ខ្នង
–ឃុំកូប ១ខ្នង
–ឃុំគុត្តសត ៣ខ្នង
–ឃុំសូភី ៨ខ្នង
–ឃុំអូរបីជាន់ ៣ខ្នង
IV.ស្រុកស្វាយចេក ១៨ខ្នង ស័ង្គសី ១៩០
–ឃុំរលួស ២ខ្នង ស័ង្គសី ១៥សន្លឹក
–ឃុំស្វាយចេក ៣ខ្នង ស័ង្គសី ១៧សន្លឹក
–ឃុំផ្គាំ ២ខ្នង ស័ង្គសី ៣៤សន្លឹក
–ឃុំស្លក្រាម ១១ ស័ង្គសី ១៧៥សន្លឹក
V.ស្រុកព្រះនេត្រព្រះ ១ខ្នង ស័ង្គសី ៦សន្លឹក
–ឃុំព្រះនេត្រព្រះ ១ខ្នង ស័ង្គសី ៦សន្លឹក
VI.ស្រុកភ្នំស្រុក ១៦ខ្នង ស័ង្គសី ១៧៤សន្លឹក របួសស្ត្រី ១នាក់
–ឃុំណាំតៅ ១០ខ្នង ស័ង្គសី ១០៤សន្លឹក របួសស្រ្តី ១នាក់
–ឃុំពន្លៃ ៦ខ្នង ស័ង្គសី ៧០សន្លឹក
VII.ក្រុងសិរីសោភ័ណ ៤៣ខ្នង ស័ង្គសី ៥១៤សន្លឹក
–សង្កាត់ម្កាក់ ៤១ខ្នង ស័ង្គសី ៤៦១ សន្លឹក
–សង្កាត់ភ្នៀត ២ខ្នង ស័ង្គសី ៥៣សន្លឹក
VIII.ស្រុកថ្មពួ ៣ខ្នង
–ឃុំគោកកឋិន ១ខ្នង
–ឃុំបន្ទាយឆ្មារ ២ខ្នង៕
