មន្ទីរព័ត៌មានខេត្តបន្ទាយមានជ័យ ចេញសារលិខិតអបអរសាទរ ឯកឧត្តមបណ្ឌិត ខៀវ កាញារីទ្ធ ក្នុងឱកាសដែលឯកឧត្តមទទួលបានសញ្ញាបត្របណ្ឌិតកិត្តិយស គរុកោសល្យសារព័ត៌មានមនុស្សសាស្ត្រ និងសង្គមសាស្ត្រ
ខេត្តបន្ទាយមានជ័យ៖មន្ទីរព័ត៌មានខេត្តបន្ទាយមានជ័យ នាថ្ងៃទី១០ ខែមីនា ឆ្នាំ២០២២ បានចេញសារលិខិតអបអរសាទរឯកឧត្តមបណ្ឌិត ខៀវ កាញារីទ្ធ រដ្ឋមន្ត្រីក្រសួងព័ត៌មានក្នុងឱកាសដែល ឯកឧត្តមបណ្ឌិត រដ្ឋមន្ត្រី ទទួលបានសញ្ញាបត្របណ្ឌិតកិត្តិយស គរុកោសល្យសារព័ត៌មានមនុស្សសាស្ត្រ និងសង្គមសាស្ត្រ ពីសកលវិទ្យាល័យ រ៉ាច្ចមុងឃុន តិចណូឡូជី ប្រាណាខន(Rahamangala University of ព្រះរាជាណាចក្រថៃឡង់ដ៏ ក្នុងស្នាដៃដែលឯកឧត្តមបានចូលរួមយ៉ាងសកម្មក្នុងវិស័យព័ត៌មាន ដើម្បីផ្តល់ប្រយោជន៍ដល់ប្រទេសជាតិ និងសង្គមជាតិ។
យោងតាមសារលិខិតរបស់មន្ទីរព័ត៌មានខេត្តបន្ទាយមានជ័យ បានសម្តែងនូវការអបអរសាទរចំពោះឯកឧត្តម រដ្ឋមន្ត្រីក្រសួងព័ត៌មាន ដោយមានខ្លឹមសារថា «យើងខ្ញុំទាំងអស់គ្នា ជាថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ នៃមន្ទីរព័ត៌មានខេត្ត បន្ទាយមានជ័យ សូមចូលរួមអបអរសាទរ និងសូមគោរពជូនពរចំពោះ ឯកឧត្តមបណ្ឌិត រដ្ឋមន្ត្រី សូមប្រកបដោយសុខភាពល្អបរិបូរណ៍ កម្លាំងមាំមួន អាយុយឺនយូរ ប្រាជ្ញាភ្លឺថ្លា និងទទួលបានជោគជ័យគ្រប់ភារកិច្ច។
ក្នុងឱកាសដ៏ថ្លៃថ្លានេះ យើងខ្ញុំសូមសម្ដែងនូវមនោសញ្ចេតនាគោរពប្រកបដោយ កតញ្ញូតាធម៌ ដ៏ជ្រាលជ្រៅចំពោះឯកឧត្តមបណ្ឌិត រដ្ឋមន្រ្តី ដែលជានិច្ចកាលតែងតែយកអស់កម្លាំងកាយចិត្ត បញ្ញា ស្មារតី បំពេញបេសកកម្មបម្រើផលប្រយោជន៍ ជាតិ សាសនា ព្រះមហាក្សត្រ និងបានបំពេញតួនាទី យ៉ាងសកម្មក្នុងការអនុវត្តនូវគោលនយោបាយចតុកោណ របស់រាជរដ្ឋាភិបាលកម្ពុជា ក្នុងការលើកកម្ពស់លទ្ធិប្រជាធិបតេយ្យ ការជំរុញការអភិវឌ្ឍ ប្រទេសជាតិ ជាពិសេសការដឹកនាំស្ថាប័នវិស័យព័ត៌មាន នៃព្រះរាជាណាចក្រកម្ពុជា ទទួលបានជោគជ័យជាច្រើន ដែលធ្វើឱ្យកិត្យានុភាពជាតិល្បីរន្ទឺលើឆាកអន្តរជាតិ ដ៏ជាទីមោទនៈបំផុត ។
ជាថ្មីម្តងទៀត យើងខ្ញុំសូមឧទ្ទិសបួងសួងដល់គុណព្រះរតនត្រ័យ វត្ថុសក្តិសិទ្ធិទាំងឡាយក្នុងលោក និងទេវតាថែរក្សាព្រះរាជាណាចក្រកម្ពុជា សូមតាមជួយបីបាច់ថែរក្សា ឯកឧត្តមបណ្ឌិត រដ្ឋមន្រ្តី និងលោកជំទាវ ព្រមទាំង បុតី សូមបានជួបប្រទះតែនិងសិរីសួស្តី ជ័យមង្គល វិបុលសុខ អាយុយឺនយូរ កម្លាំងកាយមាំមួន ប្រាជ្ញាឈ្លាសវៃ ដើម្បីបន្តបេសកកម្មដ៏ថ្លៃថ្លានេះ កាន់តែរីកចម្រើនថែមទៀត»៕
