មានតែនៅក្រុងដូនកែវទេ ដែលព្រហើនជាងគេ ហ៊ានបើកល្បែងស៊ីសង ផ្គើនទៅនឹងបទបញ្ជារបស់សម្តេចតេជោ ទោះជាខលទូរស័ព្ទរាយការជូនសមត្ថកិច្ច និងផ្សព្វផ្សាយជាច្រើនដងយ៉ាងណាក្តី រហូតមកដល់ពេលនេះមិនទាន់មានចំណាត់ការនៅឡើយ
ខេត្តតាកែវ៖ល្បែងស៊ីសងតាមអនឡាញប្រភេទឡូតូមានច្រើនប្រភទ ដូចជា ឡូតូ ឡូតូខែឆ្នាំទាំង ១២ ឡូតូ៩០ ។ល។ និងជល់មាន់តាមលេបថប(កុំព្យូទ័រ) ជាច្រើនទីតាំងរួមមាន៖ នៅខាងមុខប៉ុស្តិ៍ផ្សារ និងខាងមុខផ្សារធំតាកែវមាន ៥ទីតាំង ,ក្នុងផ្សារ ៥ទីតាំង ,ខាងកើតផ្សារមានចំនួន ៤ទីតាំង, និងមួយទីតាំងទៀត ខាងត្បូងជ្រុងខាងលិចផ្សារធំតាកែវ ផ្ទះលក់កាហ្វេបើកមាន់ជល់អនឡាញ និងឡូតូ online តាមលេបថត(កុំព្យូទ័រ) ដែលស្ថិតនៅភូមិថ្នល់បែក សង្កាត់រកាក្រៅ ក្រុងដូនកែវ ខេត្តតាកែវ នូវតែបន្តបើកឲ្យក្រុមអ្នកញៀនល្បែងចូលលេងយ៉ាងគគ្រឹកគគ្រេងដដែល ទោះបីជាខលទូរស័ព្ទរាយការណ៍ជូនលោកវរសេនីយ៍ឯក ឥន្ទ មណ្ឌល អធិការនគរបាលក្រុងដូនកែវ និងលោក ជ័យ សុង នាយប៉ុស្តិ៍នគរបាលផ្សារធំតាកែវ ជាច្រើនដង និងសារព័ត៌មានបានធ្វើការផ្សព្វផ្សាយ យ៉ាងព្រោងព្រាតយ៉ាណាក្តី។ជាក់ស្តែងនាព្រឹកថ្ងៃទី១៤ ខែមិថុនា ឆ្នាំ២០២៣ ភ្នាក់ងារយើបានចុះទៅដល់ទីតាំងខាងលើឃើញថា នូវតែបន្តបើកឲ្យលេងដោយរលូនដដែល។ទាំងនេះក៏ព្រោះតែមានការបើកភ្លើងខៀវពីលោកអធិការ និងលោកនាយប៉ុស្តិ៍ បានជាល្បែងស៊ីសងទាំងនេះហានបើកឲ្យលេងបានដោយរលូនបែបនេះ ពីព្រោះល្បែងស៊ីសងខាងលើនេះ មិនមែនទើបតែបើកនោះទេ ហើយក៏មិនមែនបើកនៅលើមេឃឯណា ចុះហេតុអ្វីបានជាសមត្ថកិច្ចមូលដ្ឋានមើលមិនឃើញ ។បើគ្រាន់តែល្បែងស៊ីសងប៉ុនហ្នឹងអ្នកសារព័ត៌មានខលរាយការណ៍និងផ្សព្វផ្សាយមិនចេះតិចដង មិនមានចំណាត់ការផង ថាតើឲ្យប្រជាពលរដ្ឋរំពឹងអ្វីនៅពេលមានបទល្មើនៅក្នុងមូលដ្ឋានកើតឡើងនោះ។ដូច្នេះស្នើឲ្យឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ ពិសេសសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដុះក្អែល លោកវរសេនីយ៍ឯក ឥន្ទ មណ្ឌល អធិការនគរបាលក្រុងដូនកែវ និងលោក ជ័យ សុង នាយប៉ុស្តិ៍នគរបាលផ្សារធំតាកែវរូបនេះផង ពីព្រោះល្បែងស៊ីសងនៅក្នុងភូមិសាស្ត្រដែលលោកគ្រប់គ្រងកំពុងកើតមានឡើងរីកដូចផ្សិតទោះរាយការណ៍ជាច្រើនដងគ្មានចំណាត់ការទាល់តែសោះ។
ពាក់ព័ន្ធទៅនឹងល្បែងស៊ីសងខាងលើនេះដែរ បើយោងតាមច្បាប់ស្តីអំពីការបង្ក្រាបល្បែងស៊ីសងជំពូក១ មាត្រា១ ត្រូវហាមឃាត់ជាដាច់ខាត ការលេងល្បែងស៊ីសងគ្រប់ប្រភេទនៅគ្រប់ទីកន្លែងទូទាំងព្រះរាជាណាចក្រកម្ពុជា,ជំពូក៣ មាត្រា៤ ជនណាលែងល្បែងស៊ីសង ជននោះត្រូវផ្តន្ទាទោសពិន័យជាប្រាក់ឬដាក់គុក។ក្នុងជំពូកដដែរមាត្រា១១ ជនណាដែលចេញមុខការពាវង់ល្បែងស៊ីសងឬបនល្បែងស៊ីសងគ្រប់ប្រភេទនៅទីណាក៏ដោយ ត្រូវផ្តន្ទាទោសដាក់គុកពី ១ឆ្នាំ ដល់៥ឆ្នាំទៀតផង។ចុះពេលនេះបើលោកអធិការក្រុងដូនកែវ និងលោកនាប៉ុស្តិ៍ផ្សារធំតាកែវ មិនបង្ក្រាប ថែមទាំងបើកភ្លើងខៀវឲ្យម្ចាស់ទីតាំងបើកល្បែងស៊ីសង ដោយផ្គើនទៅនឹងបទបញ្ជារបស់ប្រមុខរាជរដ្ឋាភិបាលកម្ពុជា តើច្បាប់និងថ្នាក់ដឹកនាំគិតយ៉ាណា? ៕ (មានវគ្កបន្តទៀត) ដោយ ៖ លោក ផូង បញ្ញា
សូមស្តាប់ប្រសាសន៍សម្តេសតេជោ ពាក់ព័ន្ធល្បែងស៊ីសង ដែលមានដូចខាងក្រោម៖
