គណៈកម្មាធិការជាតិរៀបចំការបោះឆ្នោតខេត្តបន្ទាយមានជ័យ បើកវគ្គបណ្ដុះបណ្ដាល ស្តីពីការបោះឆ្នោត ការរាប់សន្លឹកឆ្នោត និងការប្រកាសលទ្ធផល
ខេត្តបន្ទាយមានជ័យ៖នាព្រឹកថ្ងៃទី១៥ ខែមិថុនា ឆ្នាំ២០២៣ គណៈកម្មាធិការជាតិរៀបចំការបោះឆ្នោតខេត្តបន្ទាយមានជ័យ បានធ្វើការបើកវគ្គបណ្តុះបណ្តាលជូនដល់សិក្ខាកាមប្រុសស្រីចំនួនជាង៨០នាក់។ ការបោះឆ្នោត ការរាប់សន្លឹកឆ្នោតនៃការប្រកាសលទ្ធផលនៃការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ ដែលគណៈកម្មាធិការជាតិរៀបចំនៅថ្ងៃទី២៣ ខែកក្កដា ឆ្នាំ២០២៣ រយៈពេលមួយថ្ងៃ។ លោក យ៉ង់ សក្កិ ជាប្រធានលេខាធិការដ្ឋានគណៈកម្មការរៀបចំការបោះឆ្នោត និងលោក ឈឿង ក្រៃយ៉ុង អភិបាលរងខេត្តបន្ទាយមានជ័យបានមានប្រសាសន៍ថា ផ្អែកតាមបទពិសោធដែលកម្ពុជា រៀបចំការបោះឆ្នោតចាប់ឆ្នាំ១៩៩៨ មកទាំងនោះរួមមានការបោះឆ្នោតជ្រើសរើសក្រុមប្រឹក្សាឃុំ សង្កាត់ ចំនួន៥លើក និងការបោះឆ្នោតជ្រើសតាំងតំណាងរាស្ត្រ ចំនួន៥លើក រួចមកហើយ និងជោគជ័យនៃការរៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ គ ជ ប បានកែលម្អការងារបច្ចេកទេសបោះឆ្នោតកម្ដៅរៀបចំការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ខាងមុខឲ្យកាន់តែមានភាពល្អប្រសើរថែមមួយកម្រិតទៀត ហើយការប្រើប្រាស់នូវប្រព័ន្ធបច្ចេកវិទ្យាព័ត៌មាន និងការគ្រប់គ្រងទៅតាមដំណាក់កាលនីមួយៗនៃដំណើរការបោះឆ្នោត ដូចនេះទាមទារឲ្យមានវគ្គបណ្ដុះបណ្ដាល នៅពេលចាំបាច់ និងការពង្រឹងនូវសមត្ថភាពចំណេះដឹង និងបទពិសោធន៍ឲ្យបានទូលំទូលាយដល់មន្ត្រីបោះឆ្នោត និងភាគីពាក់ព័ន្ធស្របតាមយុគសម័យបដិវត្តន៍ឧស្សាហកម្ម៤.0។
លោក ឈឿន ក្រៃយ៉ុង បានបន្តថា វគ្គបណ្តុះបណ្តាលនេះ មានគោលបំណងដើម្បីបង្កើនសមត្ថភាពផ្តល់នូវចំណេះដឹង និងជំនាញបន្ថែមទៀតពាក់ព័ន្ធនឹងការ ការបោះឆ្នោត ការរាប់សន្លឹកឆ្នោត និងការប្រកាសលទ្ធផលនៃការបោះឆ្នោត ព្រមទាំងនីតិវិធីនៃការដាក់ការទទួល និងអាចដោះស្រាយពាក្យបណ្ដឹង និងដំណើរការបោះឆ្នោត ដែលសិក្ខាកាមអាចជាអនុប្រធានសមាជិក គ ខ ប និងមន្ត្រី ល គ.ខប គ្រូបង្គោលប្រចាំតាមក្រុងស្រុកនិង បក្សនយោបាយសមាគមអង្គការមិនមែនរដ្ឋាភិបាល និងភាគីពាក់ព័ន្ធនេះអាចយល់ដឹងកាន់តែច្បាស់អំពីនីតិវិធីនៃការបោះឆ្នោត។
លោកបានបន្តទៀតថា រដ្ឋបាលខេត្តតែងតែយកចិត្តទុកដាក់ និងមានទំនាក់ទំនងជាមួយគណៈកម្មការជាតិរៀបចំការបោះឆ្នោតអាចមានគណៈកម្មការរៀបចំការបោះឆ្នោតគ្រប់លំដាប់ថ្នាក់ដើម្បី នៃការការពារសន្តិសុខសុវត្ថិភាព និងសណ្ដាប់ធ្នាប់សាធារណៈមុនពេលបោះឆ្នោតនៅក្នុងពេលបោះឆ្នោតនៅក្រោយពេលបោះឆ្នោត ដើម្បីឲ្យដំណើរការបោះឆ្នោតបានប្រព្រឹត្តទៅតាមដំណាក់កាលនីមួយៗ គ្មានការបំភិតបំភ័យការគំរាមកំហែងពីអំពើហិង្សានយោបាយ និងធានាឲ្យមានសុខដុមនីយកម្មក្នុងបរិយាកាសសន្តិភាព៕
