មេបញ្ជាការរង នាយសេនាធិការ យោធភូមិភាគទី៥ ក្រើនរំលឹកដល់នាយ -ពលទាហាន កងពលតូចថ្មើរជើងលេខ៥១ បន្តអនុវត្តន៍ភារកិច្ចកាន់តែប្រសើរបន្ថែមទៀត
(បន្ទាយមានជ័យ)៖លោកឧតមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ បានអញ្ជើញជាអធិបតីក្នុងពិធីប្រជុំបូកសរុបលទ្ធផលយោធាសន្តិសុខឆ្នាំ២០២១ និងទិសដៅបន្តឆ្នាំ២០២២ របស់កងពលតូចថ្មើរជើងលេខ៥១ នាថ្ងៃទី១៨ ខែមីនា ឆ្នាំ២០២២ ស្ថិតនៅទីបញ្ជាការកងពល។
ជំនួសមុខឲ្យ ថ្នាក់ដឹកនាំ នាយ–ពលទាហានយោធភូមិភាគទី៥ លោកឧត្តមសេនីយ៍ មានជំនឿយ៉ាងមុតមាំថា នាយ –ពលទាហានកងពលតូចថ្មើរជើងលេខ១ទាំងអស់ នឹងបន្តខិតខំបំពេញភារកិច្ចដែលថ្នាក់លើប្រគល់ជូនកាន់តែមានប្រសិទ្ធភាពខ្ពស់ ។
លោកឧត្តមសេនីយ៍ទោ មេបញ្ជាការរងនាយសេនាធិការ យោធភូមិភាគទី៥ ក៏បានធ្វើការកោតសរសើរដល់កម្លាំងកងពលតូចថ្មើរជើងលេខ៥១ ដែលកន្លងមកបានប្រឹងប្រែងសម្រេចបានជោគជ័យគ្រប់ភារកិច្ចដែលថ្នាក់លើដាក់ជូន រួមមាន៖ ការចុះជួយសង្គ្រោះប្រជាពលរដ្ឋដែលជួបគ្រោះមហន្តរាយពីគ្រោះធម្មជាតិផ្សេងៗ រហូតមានការសរសើរមិនដាច់ពីមាត់ពីសំណាក់ប្រជាពលរដ្ឋរស់នៅក្នុងភូមិសាស្ត្រ ដែលខ្លួនទទួលខុសត្រូវ ។ ទន្ទឹមហ្នឹងនេះដែរអង្គភាពកងពលក៏បានចូលរួមចំណែកយ៉ាងសំខាន់យុទ្ធនាការចាក់វ៉ាក់សាំងការពារជំងឺលូវីដ–១៩ តាមបទបញ្ជាមេបញ្ជាការកងទ័ពជើងគោក យោធភូមិភាគទី៥ ចាក់ជូនកងទ័ព គ្រួសារកងទ័ព អតីយុទ្ធជន និងប្រជាពលរដ្ឋក្នុងភូមិសាស្ត្រទទួលបានលទ្ធផលគួជាទីមោទនៈ ។ដោយឈរលើផែនការការងារកសាងពង្រឹងអង្គភាពរឹងមាំលើគ្រប់វិស័យ របស់យោធភូមិភាគទី៥ ឧត្តមសេនីយ៍ទោ សេង ធារិន បានសំណូមពរដល់មេបញ្ជាការ មេបញ្ជាររង នាយ –ពលទាហាន កងពលតូចថ្មើរជើងលេខ៥១ សម្រាប់ទិសដៅបន្តឆ្នាំ២០២២ បន្តធានាបាឲ្យនគ្រប់ភារកិច្ចដែលថ្នាក់លើប្រគល់ជូន ជាពិសេសលើការងារហ្វឹកហ្វឺន ប្រមូលផ្តុំគ្រប់គ្រងកម្លាំង ជំរុញការងារបង្កបង្កើនផល ចិញ្ចឹមសត្វ ធានាជីវភាពកងទ័ព មានផ្ទះបាយរួម មានម្ហូបអាហារហូបគ្រប់គ្រាន់ ត្រៀមកម្លាំងជាប់ជាប្រចាំតាមបទបញ្ជាចុះប្រតិបត្តិការជួយសង្រ្គោះប្រជាពលរដ្ឋ រងគ្រោះដោយធម្មជាតិ គ្រោះទឹកជំនន់ ខ្យល់កន្រ្តាក់ ជួយកសាង ជួសជុលផ្ទះ ជួយប្រមូលផលប្រជាពលរដ្ឋ ចូលរួមភូមិ ឃុំ មានសុវត្ថិភាព និងទប់ស្កាត់ពលករឆ្លងដែនខុសច្បាប់ ។ល។
លោកឧត្តមសេនីយ៍ទោ សេង ធារិន ក៏បានធ្វើការផ្តាំផ្ញើកងទ័ពក្នុងកងពលតូចថ្មើរជើងលេខ៥១ ឱ្យបង្កើនការផ្សព្វផ្សាយនិងអនុវត្តឲ្យបានជាដាច់ខាតនូវវិធានការរបស់ក្រសួងសុខាភិបាល ក៏ដូចជា វិធានការរបស់ សម្ដេចតេជោ ៣ការពារ ៣កុំ ដើម្បីចូលរួមទប់ស្កាត់ការរីករាលដាលនូវជំងឺកូវីដ–១៩ កុំឱ្យមានការឆ្លងរាលដាលចូលក្នុង ទីតាំងបន្ទាយ សហគមន៍ក៏ដូចជាភូមិសាស្រ្តដែលខ្លួនទទួលខុសត្រូវ។
ជាចុងបញ្ចប់លោកឧត្តមសេនីយ៍ ក៏បានអញ្ជើញប្រគល់ប័ណ្ណសរសើរ លិខិតសរសើរ រង្វាន់ ជូនដល់នាយ ពលទាហាន ដែលមានស្នាដៃឆ្នើមក្នុងការងារ១ឆ្នាំកន្លងទៅ និងប្រគល់អំណោយរបស់ក្រសួងការពារជាតិ ជូនដល់បណ្តាកងឯកភាព និងបានឧបត្ថម្ភថវិកាចំនួន ២.០០០.០០០រៀលផងដែរ៕
