រថយន្តហ្វូត ដឹកព្រៈសង្ឃមកពីដាំកូនឈើភ្នំព្រៈ ត្រឡប់ទៅវត្តវិញ ត្រូវរថយន្តបែនដឹកដី បុកបណ្តាលរបួសធ្ងន់ស្រាល៦នាក់ ក្នុងនោះមានព្រៈសង្ឃ ៥អង្គ នៅក្នុងស្រុក ថ្មពួក
ខេត្តបន្ទាយមានជ័យ៖រថយន្តបែនដឹកដីមួយគ្រឿង បើកបរខ្វះការប្រុងប្រយ័ត្ន បានបុករថយន្តហ្វូតដឹកព្រៈសង្ឃត្រឡប់មកពីដាំកូនឈើភ្នំព្រៈ បណ្តាលរបួសធ្ងន់ស្រាល ចំនួន ៦នាក់ ក្នុងនោះមានព្រៈសង្ឃ ចំនួន ៥អង្គ/នាក់ នាព្រឹកថ្ងៃទី០៨ ខែសីហា ឆ្នាំ២០២៣ ស្ថិតភូមិឯកភាព ឃុំគំរូ ស្រុកថ្មពួក ខេត្តបន្ទាយមានជ័យ។
ប្រភពព័ត៌មានពីកន្លែងកើតហេតុបានឲ្យដឹងថា៖នៅមុនពេលជួបគ្រោះថ្នាក់ចរាចរណ៍នេះកើតឡើង គេបានឃើញរថយន្តម៉ាក់ហ្វូតពាក់ផ្លាក់លេខបន្ទាយមានជ័យ2G.6000 ដឹកព្រៈសង្ឃត្រឡប់មកពីដាំកូនឈើភ្នំព្រៈ ទៅវត្តខ្ចៈវិញ ដោយបើកបរតា មបណ្តោយផ្លូវក្នុងទិសដៅពីជើងទៅត្បូង ភ្លាមនោះក៏ស្រាប់តែមានរថយន្តបែនដឹកដី ដែលបើកបរបញ្ច្រាស់គ្នាពីត្បូងទៅជើងបានឡើងវ៉ារថយន្ត១គ្រឿងបើកបរស្របទិសគ្នា បានបុកពេញហឹងបណ្តាលរបួសធ្ងន់ស្រាល៦នាក់ ក្នុងនោះមានព្រៈសង្ឃ ៥អង្គនាក់/ត្រូវបានដឹកយកទៅសង្គ្រោះភ្លាមៗងផដែរ។ក្រោយកើតមន្ត្រីនគរបាលចរាចរណ៍ស្រុកថ្មពួក បានចុះទៅពិនិត្យវាស់វែងភ្លាមនៅកន្លែងកើតហេតុ។
សមត្ថកិច្ចបានឲ្យដឹងថា មូលហេតុដែលបណ្តាលឲ្យមានគ្រោះថ្នាក់នេះកើតឡើងគឺបណ្តាលមកពីរថយន្តបែនដឹកដីបើកបរឡើងវ៉ាគ្មានការប្រុងប្រយ័ត្ន ទើបបុករថយន្តហ្វូត បណ្តាលរបួសធ្ងន់ស្រាល៦នាក់ក្នុងនោះមានព្រៈសង្ឃចំនួន៥អង្គ/នាក់ ត្រូវបានដឹកយកទៅសង្គ្រោះ។ចំណែកអ្នកបើកបររថយន្តបង្ក ត្រូវបានឃាត់ខ្លួនបញ្ជូនទៅអធិការនគរបាលស្រុកថ្មពួក។
មន្ត្រីនគរបាលចរាចរណ៍បានបន្តថា៖ករណីគ្រោះថ្នាក់ចរាចរណ៍ដែលបង្កឡើងដោយរថយន្តបែនដឹកដីបុករថយន្តហ្វូត បណ្តាលរបួសធ្ងន់ស្រាល៦នាក់ និងខូចខាតរថយន្ត ២គ្រឿង រថយន្តហ្វូតខ្ទេចមួយចំហៀងខាងឆ្វេង និងរថយន្តបែនដឹកដីខ្ទេចផ្នែកខាងមុខ ហើយរថយន្តទាំង២គ្រឿងក្រោយពីកើតហេតុបានយកទៅរក្សាទុកនៅអធិការដ្ឋាននគរបាលស្រុកថ្មពួក ដើម្បីដោះស្រាយតាមច្បាប់ចរាចរណ៍ផ្លូវគោកជាំក្រោយ៕
