រាជអាវុធហត្ថស្រុកភ្នំស្រួច ចាប់ឃាត់ខ្លួនជនសង្ស័យម្នាក់ពាក់ព័ន្ធករណីចែកចាយគ្រឿងញៀន
(កំពង់ស្ពឺ)៖ ដោយទទួលបានបទបញ្ជាពីលោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ នៅថ្ងៃទី២៤ ខែសីហា ឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុកភ្នំស្រួច ដឹកនាំដោយលោកវរសេនីត្រី យស ឌីណា មេបញ្ជាការ មូលដ្ឋានស្រុកភ្នំស្រួច បានបង្ក្រាបករណីចែកចាយគ្រឿងញៀន ស្ថិតក្នុងភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ដោយឃាត់ខ្លួនបានជនសង្ស័យម្នាក់ឈ្មោះ ស៊ុ សារ័ត្ន ភេទប្រុស អាយុ ៤០ឆ្នាំ មុខរបរមិនពិតប្រាកដ រស់នៅភូមិឃុំកើតហេតុខាងលើ ។
ក្រោយពីឃាត់ខ្លួនកងកម្លាំងសមត្ថកិច្ចបានដកហូតសម្ភារៈរួមមាន៖ម្សៅក្រាមពណ៌សរ ចំនួន ២កញ្ចប់ ,ទូរសព្ទ័ដៃ ចំនួន ០១គ្រឿង, ដបជក់ថ្នាំ ចំនួន ០១ ,កាំភ្លើងកែឆ្នៃ ចំនួន ០១ដើម, រថយន្ត ប្រភេទ TUNTRA ពណ៌ប្រផេះ ពាក់ស្លាកលេខ ភ្នំពេញ 2BO.0975 ចំនួន ០១គ្រឿង ។
បច្ចុប្បន្ន ជនសង្សយ័ និងវត្ថុតាងខាងលើ បានបញ្ជូនទៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីចាត់ការបន្តតាមនិតិវិធី៕
