គ្រោះថ្នាក់ចរាចរណ៍ ដ៏រន្ធត់ រវាងរថយន្តបុករថយន្ត បណ្តាលឲ្យមនុស្សម្នាក់ស្លាប់ នៅនឹងកន្លែង នៅចំណុចភូមិទី៦ ឃុំយាយម៉ៅពេជ្រនិល នៅស្រុកភ្នំស្រួច
ខេត្តកំពង់ស្ពឺ៖មនុស្សម្នាក់បានស្លាប់ នៅនឹងកន្លែង ក្នុងហេតុការណ៍គ្រោះថ្នាក់ចរាចរណ៍ រវាងរថយន្តបុករថយន្ត បង្កការភ្ញាក់ផ្អើលនៅវេលាម៉ោង ១១និង៣០នាទីរសៀល ថ្ងៃទី៣១ ខែសីហា ឆ្នាំ២០២៣ នៅផ្លូវជាតិលេខ៤ ចន្លោះគីឡូម៉ែត្រលេខ១០៣–១២០៤ ត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលជួបគ្រោះថ្នាក់នេះកើតឡើងគឺមានរថយន្ត០១គ្រឿង ម៉ាក SHACMAN ពណ៌ស ពាក់ស្លាកលេខភ្នំពេញ 3G-1758 សណ្តោងរ៉ឺម៉ក់ ពណ៌ស ពាក់ស្លាកលេខភ្នំពេញ 4B-0249 អ្នកបើកបរមិនស្គាល់អត្តសញ្ញាណ(ចុះរត់គេច) បើកបរពីទិសខាងកើតទៅទិសខាងលិច លុះដល់ចំណុចខាងលើបានបុករថយន្ត០១គ្រឿង ម៉ាកហ៊ីយ៉ាន់ដាយ ពណ៌លឿង ពាក់ស្លាកលេខ ភ្នំពេញ 3C-3445 សណ្តោងរ៉ឺម៉ក់ ពណ៌លឿង ពាក់ស្លាកលេខ ភ្នំពេញ 4A-1424 អ្នកបើកបរមិនស្គាល់អត្តសញ្ញាណ រួចបន្តទៅបុករថយន្ត០១គ្រឿងទៀត ម៉ាក FORD TRANST ពណ៌ខៀវ ពាក់ស្លាកលេខ ភ្នំពេញ 3F-5325 អ្នកបើកបរមិនស្គាល់អត្តសញ្ញាណ ដែលកំពុងបើកបរបញ្រ្ចាសទិសគ្នា បណ្តាលឲ្យមនុស្សប្រុស ១នាក់ស្លាប់០១នាក់ (នៅកន្លែងកើតហេតុ)
របួសស្រាលធ្ងន់ (មិនទាន់ដឹងចំនួន) និងខូចខាតរថយន្ត០៣គ្រឿង ធ្ងន់០២គ្រឿង។កម្លាំងនគរបាលស្រុកភ្នំស្រួច កំពុងសម្រួលចរាចរណ៍នៅកន្លែងកើតហេតុ ករណីនេះ ពុំបង្កឲ្យមានការកកស្ទះចរាចរណ៍ឡើយ៕
