អាជ្ញាធរក្រុងប៉ោយប៉ែត អំពាវនាវដល់ប្រជាពលរដ្ឋ ដែលបានរុះរើសំណង់ សំយាប ស្លាកយីហោរ រំលោភលើចំណីផ្លូវសាធារណៈហើយនោះ ហាមដាក់ដូចជា តុ កៅអីរ ទេះលក់ដូរនិងទំនិញផ្សេងៗ បើពុំដូច្នេះទេអាជ្ញាធរនឹងប្រមូលយកទៅរក្សាទុក
ខេត្តបន្ទាយមានជ័យ ៖ ដើម្បីធានាបាននូវសណ្ដាប់ធ្នាប់ សោភ័ណភាព របៀបរៀបរយសាធារណៈ និងការធ្វើចរាចរណ៍ឲ្យបានកាន់តែល្អប្រសើរ ឲ្យសាកសមជាឈ្មោះទីក្រុងនោះ គឺផ្ដើមចេញពីការចូលរួមរបស់បងប្អូនប្រជាពលរដ្ឋយើងទាំងអស់គ្នា ដូច្នេះសូមបងប្អូនប្រជាពលរដ្ឋ ដែលបានសាងសង់សំណង់ការ្យអនាធិបតេយ្យផ្សេងៗ ដូចជា តសំយាប លើកស្លាកយីហោ លក់ដូរ កាន់កាប់ចូលលើចំណីផ្លូវសាធារណៈ ការចាក់ដីលុបចូលចំណីផ្លូវឬប្រព័ន្ធលូជាហេតុនាំឲ្យស្ទះប្រព័ន្ធលូរំដោះទឹក ជាដើម ស្ថិតនៅក្នុងទីប្រជុំជនក្នុងក្រុងប៉ោយប៉ែត និងកន្លែងដែលអាជ្ញាធរបានបាញ់ថ្នាំគំនួសកំណត់ហើយនោះ អាជ្ញាធរក្រុងសូមឲ្យចូលរួមសហការរុះរើ ដោយស្ម័គ្រចិត្ត ដើម្បីលើកសោភ័ណភាពទីក្រុងយើងឲ្យកាន់តែស្រស់ស្អាត ។ ចំណែកអ្នកដែលអនុវត្តតាមការណែនាំរបស់រដ្ឋបាលក្រុងក៏ដូចអាជ្ញាធរមូលដ្ឋាន កាត់រុះរើហើយនោះ មិនអនុញ្ញាតឱ្យយកដូចជា តុ កៅអីឬរទេះលក់ដូរ និងទំនិញផ្សេងៗ យកមកដាក់ទៀតឡើយ បើពុំដូច្នោះទេអាជ្ញាធរនិងប្រមូលយកទៅរក្សាទុក ដោយមិនយោគយល់ឡើយ។
នាថ្ងៃទី៣ ខែកញ្ញា ឆ្នាំ២០២៣ ក្រុមការងាររដ្ឋបាលក្រុង លោកចៅសង្កាត់អូរជ្រៅ កម្លាំងសមត្ថកិច្ច រួមនិងអាជ្ញាធរមូលដ្ឋាន បានបន្តអនុវត្តតាមបទបញ្ជារបស់លោក គាត ហ៊ុល អភិបាលនៃគណៈអភិបាលក្រុង និងមានការសម្របសម្រួលនីតិវិធីពីព្រះរាជអាជ្ញារង អមសាលាដំបូងខេត្តបន្ទាយមានជ័យ ចុះណែនាំនិងបាញ់ថ្នាំគំនូស កំណត់ឱ្យរុះរើសដោយស្ម័គ្រចិត្ត នៅចំណុចទីប្រជុំជន បណ្តោយផ្លូវដើមពុទ្រា ក្នុងសង្កាត់អូរជ្រៅ ក្រុងប៉ោយប៉ែត ដោយឲ្យថយឬគម្លាតពីចិញ្ចើមផ្លូវប្រវែង២ម៉ែត្រ ដោយទុក្ខរយៈពេលមួយសប្តាហ៍ ពោលគឺដល់ថ្ងៃទី១០ ខែកញ្ញា បើមិនអនុវត្តតាមទេនោះ អាជ្ញាធរនឹងចុះរុះរើដោយផ្ទាល់ មិនទទួលខុសត្រូវចំពោះការខូចខាតឡើយ ។សូមជំរាបផងដែរថា នៅចំណុចខាងលើនេះ មានការកកស្ទះសឹងរាល់ថ្ងៃ ដោយសារតែប្រជាពលរដ្ឋសាងសង់ តសំយ៉ាប លើកស្លាកយីហោ នៅលើចំណីផ្លូវសាធារណៈ ពិសេសដាក់តាំងលក់ទំនិញផ្សេងៗ ក៏ដូចជាលក់ដូរតាមរទេះនៅតាមចិញ្ជើមផ្លូវ ជាហេតុធ្វើឲ្យកកស្ទះ នៅពេលមានអគ្គីភ័យកើតឡើង និងរថយន្តសង្គ្រោះបន្ទាន់ដឹកអ្នកជំងឺម្តងៗ ជួបការលំបាកខ្លាំង ហើយរយះកាលកន្លងមកអាជ្ញាធរក៏ធ្លាប់ចុះធ្វើការណែនាំជាច្រើនលើកច្រើនសារហើយដែរ តែដូចវែកចកអញ្ជឹង ។
ដោយមើលឃើញពីគោលកា និងការអនុវត្តយ៉ាងច្បាស់លាស់ ស្មើភាពគ្នាដោយ«ថា គឺធ្វើ »របស់រដ្ឋបាលក្រុង ក្រោមការដឹកនាំរបស់លោក គាត ហ៊ុល អភិបាលក្រុងប៉ោយប៉ែតនោះ ប្រជាពលរដ្ឋបានសំដែងការសាទរ និងចូលរួមសហការក្នុងការកាត់រុះរើដោយស្ម័គ្រចិត្ត យ៉ាងផុសផុលផងដែរ៕
