រាជអាវុធហត្ថស្រុកព្រៃនប់ ឃាត់ខ្លួនជនសង្ស័យ ២នាក់ ពាក់ព័ន្ធករណី ជួញដូរ និងប្រើប្រាស់ដោយខុសច្បាប់នូវសារធាតុញៀន
ខេត្តព្រះសីហនុ៖ដោយអនុវត្តតាមបទបញ្ជារបស់លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ លោក វរសេនីយ៍ត្រី ម៉ែន វណ្ណា មេបញ្ជាការ មូលដ្ឋានកងរាជអាវុធហត្ថស្រុកព្រៃនប់ បានដឹកនាំកម្លាំង ចុះបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀនមួយករណី នៅវេលាម៉ោង១២នឹង៣០នាទី ថ្ងៃទី០៥ ខែកញ្ញា ឆ្នាំ២០២៣ នៅចំណុចភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ។
ជនសង្ស័យទាំង០២នាក់
១/ ឈ្មោះ យីន ខ្លៀច ភេទប្រុស អាយុ ២២ឆ្នាំ ទីលំនៅភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ។
២/ ឈ្មោះ លឹម បារាំង ភេទប្រុស អាយុ ២៣ឆ្នាំ ទីលំនៅភូមិត្រពាំងមូល ឃុំជើងគោ ស្រុកព្រៃនប់ ខេត្តព្រះសីហនុ។វត្ថុតាងដែលដកហូតបានរួមមាន:ម្សៅសថ្លាចំនួន ០២កញ្ចប់ ,ដែកកេះ ០១ ,ដបជក់ ០១ ,ទូរស័ព្ទ ០៣គ្រឿង ,លុយ ៨០.០០០រៀល ,ម៉ូតូម៉ាកវេវ ពណ៌ស គ្មានស្លាកលេខ ចំនួន ០១គ្រឿង ។
បច្ចុប្បន្ន ជនសង្ស័យទាំង ២នាក់រួមនឹងវត្ថុតាងខាងលើត្រូវបានបញ្ជូនទៅកាន់ការិយាល័យប្រឆាំងគ្រឿងញៀនកងរាជអាវុធហត្ថខេត្តព្រះសីហនុ ដើម្បីបន្តនិតីតិវិធី៕
