(បន្ទាយមានជ័យ) បើយោងតាមការស្នើសុំបិណ្ឌបាត ពីព្រះវិជ័យសីលរង្សី ពាង ផល្លា ដែលជាព្រះគ្រូចៅអធិការវត្តជ័យមង្គលអូរញរ ហៅវត្តអូរញរ ស្ថិតក្នុងឃុំភ្នំតូច ស្រុកមង្គលបូរី ខេត្តបន្ទាយមានជ័យ បានស្នើសុំជាគោលការណ៍ក្នុងការ ការពារនិងអភិរក្ស នៅក្នុងឃុំក្បែរវត្តអូរញរ នៅព្រឹកថ្ងៃទី២៨ ខែមីនា ឆ្នាំ២០២៥ ក៏បានរៀបចំកម្មវិធី ប្រគល់សេចក្ដីសម្រេចស្នើសុំ ការការពារនិងអភិរក្សជីវៈចម្រុះនៅក្នុងអូរនេះ ក្រោមអធិបតីភាពឯក ឧត្ដម ឈេីយ ចាន់ណា សមាជិកព្រឹទ្ធសភា ប្រចាំភូមិភាគទី៤ លោកប៊ឹង គឹមសុឹងប្រធានមន្ទីរសេដ្ឋកិច្ចនិងហិរញ្ញវត្ថុខេត្តលោក បៀវ ថានប្រធានមន្ទីរ ធម្មការនិងសាសនាខេត្ត លោករ័ត្នដា ស៊ីណង់អភិបាលស្រុកមង្គលបូរី និងមានការនិមន្តចូលរួមពីព្រះមន្ត្រីសង្ឃស្រុកមង្គលបូរីផងដែរ ។ បើតាមសេចក្ដីរាយការណ៍របស់ ព្រះតេជព្រះគុណ ពាង ផល្លា ព្រះចៅអធិការវត្តអូរញរ បានមានសង្ឃដីកាបញ្ជាក់ថា តំបន់ការពារអភិរក្សជីវៈចម្រុះនៅក្នុងអូរនេះ មានបណ្ដោយប្រវែង ២០០ម៉ែត្រ ទទឹង៥០ម៉ែត្រ និងជម្រៅ១០ម៉ែត្រនៅជាប់បរិវេណនៃវត្តអូរញរ ។ បច្ចុប្បន្នមានជីវៈចម្រុះជាច្រើនកំពុងរស់ ស៊ីត្រីច្រើនប្រភេទអណ្ដើកកង្កែបអន្ទង់ក្តាមខ្យងជាដើម ។ លោកបឹង គឹមសឹង និងឯកឧត្ដមឈើយ ចាន់ណា បានមានប្រសាសន៍កោតសរសើរចំពោះ ព្រះតេជព្រះគុណអាចារ្យគណៈកម្មការពុទ្ធបរិស័ទអាជ្ញាធរមូលដ្ឋាន ដែលមានគំនិតផ្តួចផ្តើមសំណើស្នើសុំគោលការណ៍ពីអាជ្ញាធរពាក់ព័ន្ធ ពិសេសឯកឧត្តមអភិបាលខេត្តបន្ទាយមានជ័យលោកអ៊ុំរាត្រីដើម្បីបានជាច្បាប់ពេញលេញ ការការពារអភិរក្សជីវៈចម្រុះក្នុងអូនេះឲ្យបានគង់វង្សនិងបានបន្តពូជត្រីជាដើម។ ឯកឧត្តមបន្តថា ដោយមើលឃើញពីសារៈសំខាន់នៃជីវៈចម្រុះទាំងនេះ បង្កឲ្យមានលំនឹងដល់ប្រព័ន្ធអេកូឡូស៊ី និងដើម្បីជាការលើកទឹកចិត្ត ដល់ប្រជាពលរដ្ឋឲ្យស្រឡាញ់បរិស្ថានចេះការពារ ធនធានធម្មជាតិនិងការពារអភិរក្សធនធានជីវៈចម្រុះដែលរស់នៅក្នុងទឹកជាពិសេសប្រភេទសត្វត្រី ដែល រស់នៅ កម្រ និងជិតផុតពូជ។ ចុងក្រោយ ឯកឧត្តម បានអំពាវនាវដល់បងប្អូនប្រជាពលរដ្ឋទាំងអស់សូមចូលរួមថែរក្សាការពារឱ្យខាងតែបាននឹងចូលរួមទប់ស្កាត់នូវឧបករណ៍ខុសច្បាប់ដូច ឆក់ជាដើម។ បញ្ចប់នៃកម្មវិធីគណៈអធិបតី ក៏បានប្រគេនគ្រឿងបរិក្ខារដល់ព្រះសង្ឃ រួមមានទឹកបរិសុទ្ធចំនួន ១៣កេស មីចំនួន១០កេសកូកាកូឡាចំនួន១៣កេស បាកាសចំនួន២កេស អង្ករចំនួន៦បេ ថវិកាចំនួន៥០០ដុល្លារ និងប្រគេនស៊ីម៉ងត៍ចំនួន១០តោន ហើយនិងប្រជាពលរដ្ឋដែលបានចូល ចំនួន២២០នាក់ ម្នាក់ៗ ទទួលបានក្រមាមួយ និងថវិកាចំនួនប្រាំពាន់រៀល៕
