ខេត្តបន្ទាយមានជ័យ៖ព្រះសមណ:ញាណ ណាប់ ម៉ឺន ព្រះបាឡាត់គណខេត្តបន្ទាយមានជ័យនិងជាព្រះគ្រូចៅអធិការវត្តគិរីរជុំចម្ការខ្នុរព្រះភិក្ខុ សាមណេរ អាចារ្យគណៈកម្មការពុទ្ធបរិស័ទចំណុះជើងវត្តសប្បុរសជន ម្ចាស់កាន់វេណកាន់បិណ្ឌនិងភ្ជុំបិណ្ឌទាំង១៤វេន នាចុងសប្ដាហ៍កន្លងទៅនេះ បានស្រុះស្រួលមូលមតិ ជាឯកច្ឆ័នប្រារព្វពិធីបុណ្យទេសនាមហាវេស្សន្តរជាតកអានិសង្សគាថាពានល នឹងបុណ្យផ្កាប្រាក់សាមគ្គី ក្នុងគោលបំណងបានជាបុណ្យកុសលផងនិងដើម្បីទ្រទ្រង់នៃការលាបថ្នាំសម្អាតមហាកុដិនិងសាលាពុទ្ធិកបឋមសិក្សា ហៅសាលាបាលី ។ស្ថិតនៅក្នុងកម្មវិធីបុណ្យនេះក៏បានរៀបចំនូវពិធីតាមបែបប្រពៃណីនៃព្រះពុទ្ធសាសនា និងមានពិធីដង្ហែផ្លែឈើ ពិធីដង្ហែគ្រឿងសក្ការបូជា រាត្រី១៥រោច និងនិមន្តព្រះសង្ឃសម្ដែងនូវព្រះធម៌ទេសនា កណ្ឌមាល័យទេសនា មហាវេស្សន្តរជាតកទាំង១៤កណ្ឌ រួមទាំងកណ្ឌជាលីអភិសេក និងថ្ងៃបញ្ចប់ ទេសនាមហាវេស្សន្តរជាតកទាំង១៣កណ្ឌ រួមទាំងអានិសង្ស កណ្ឌព្រះគេថាពាន់នឹងពិធីរាប់បាត្រឆ្លងព្រះសង្ឃ ១០៨អង្គផងដែរ។
ព្រះសមណ:ញាន ណាប់ ម៉ឺន ព្រះអង្គបានមាន សង្ឃដីកាកាបញ្ជាក់ពីប្រវត្តិព្រះមហាវេស្សន្តរជាតក គឺជាព្រះជាតកមួយក្នុងចំណោម ទសជាតក ទាំង១០រឿង របស់ព្រះបរមពោធិសត្វ ដែលយោនយោគកំណើត កើតជា ព្រះបាទ វេស្សន្ដរ កសាងទានបារមីជាជាតិចុងក្រោយ។ មហាវេស្សន្តរជាតកនេះជាកំណើតរឿងរ៉ាវ នៃព្រឹត្តិការណ៍ការកាសាងសន្សំបុណ្យបារមី មានទានបារមី ទានឧបបារមី និងទានបរត្ថបារមីដើម្បីជាប្រយោជន៍នៃការ ត្រាស់ដឹង សម្មាសម្ពោធិញ្ញាណហើយក៏ជាជាតិកំណើតចុងក្រោយនៃបរមពោធិសត្វជាតួអង្គព្រះសម្មាសម្ពុទ្ធនៃយើង ។ ព្រះសមណញាន ណាប់ ម៉ឺន បានមាន សង្ឃដីកាបន្តថា រឿងព្រះមហាវេស្សន្តរជាតកនេះបង្ហាញពីគុណតម្លៃរបស់មនុស្សដែលរស់នៅក្នុងសង្គមត្រូវចេះ ចែករំលែកអនុគ្រោះ សង្គ្រោះ យោគយល់អធ្យាស្រ័យគ្នាទៅវិញទៅមក ហើយម្យ៉ាងវិញទៀតដើម្បីបញ្ជាក់ពី ទសពិតរាជធម៌ របស់ព្រះមហាក្សត្រតែត្រូវបានយក ធម្មាធិបតេយ្យជាធំទោះបី កូនរបស់ខ្លួនធ្វើខុសក៏ ទ្រង់ដាក់បណ្ដេញចេញពីព្រះនគរឲ្យទៅនៅភ្នំគិរីវង្គត ថែមទាំងបានបញ្ជាក់ពីគុណនៃសេចក្ដីល្អគឺទេវតាតាមថែរក្សាព្រមទាំងមានការរួបរួមសាមគ្គីទើបធ្វើឲ្យព្រះនគររុងរឿងថ្កុំថ្កើងតក់រៀងទៅ៕
