លោក សេង លាង ត្រូវបានប្រកាសចូលកាន់មុខដំណែងជាប្រធានសាលាដំបូងខេត្តបន្ទាយមានជ័យ ជំនួសលោក ងួន ណារ៉ា ត្រូវបានផ្ទេភារកិច្ចទៅជាប្រធានសាលាដំបូងរាជធានីភ្នំពេញ
ខេត្តបន្ទាយមានជ័យ៖ថ្លែងក្នុងពិធីប្រកាសចូលកាន់មុខតំណែងប្រធានសាលាដំបូងខេត្តបន្ទាយមានជ័យថ្មី កាលពីថ្ងៃទី១៩ ខែតុលា ឆ្នាំ២០២៣ នៅសាលាដំបូងខេត្តបន្ទាយមានជ័យ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានមានប្រសាសន៍ផ្តាំផ្ញើដល់ប្រធានសាលាដំបូងខេត្តបន្ទាយមានជ័យថ្មី ក៏ដូចជាមន្ត្រីក្រោមឱវាតត្រូវចេះសហកា រពង្រឹងសាមគ្គីភាពផ្ទៃក្នុងសាលាដំបូង និងអយ្យការអមសាលាដំបូងខេត្ត ដើម្បីបម្រើវិស័យយុត្តិធម៌ ជូនប្រជាពលរដ្ឋទទួលបានភាពយុត្តិធម៌ពង្រឹងនិងការលើកកម្ពស់សមត្ថភាពស្ថាប័នតុលាការ ផ្តល់សេវាយុត្តិធម៌ ចំណាត់ការដោះស្រាយសំណុំរឿងមានភាពម៉ឺងម៉ាត់ ស្របតាមនីតិវិធីច្បាប់ជាធរមាន ពន្លឿនការរកយុត្តិធម៌ជូនប្រជាពលរដ្ឋ។
សូមបញ្ជាក់ផងដែរថា លោក សេង លាង ត្រូវបានប្រកាសចូលកាន់មុខតំណែងជាប្រធានសាលាដំបូងខេត្តបន្ទាយមានជ័យ ជំនួសលោក ងួន ណារ៉ា ត្រូវបានផ្ទេភារកិច្ចទៅជាប្រធានសាលាដំបូងរាជធានីភ្នំពេញ។
នាឱកាសនោះប្រធានសាលាដំបូងខេត្តបន្ទាយមានជ័យថ្មី លោក សេង លាង បានមានប្រសាសន៍ប្តេជ្ញាចិត្តពង្រឹងសាមគ្គីភាពផ្ទៃក្នុងសាលាដំបូងនិងអយ្យការអមសាលាដំបូងខេត្តបន្ទាយមានជ័យ និងត្រៀមលក្ខណៈសម្បត្តិអោយបានគ្រប់គ្រាន់ ដើម្បីបម្រើប្រជាពលរដ្ឋទទួលបានភាពយុត្តិធម៌និងប្រយុទ្ធប្រឆាំងអំពើឈ្លានពានដោយអយុត្តិធម៌ក្នុងសង្គមផងដែរ៕
