ខេត្តក្រចេះ៖កម្លាំងជំនាញផ្នែកប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលគ្រញូងសែនជ័យ នៃអធិការដ្ឋាននគរបាលស្រុកស្នួល នៅថ្ងៃ១៩ ខែតុលា ឆ្នាំ២០២៣ វេលាម៉ោង១២និង៣០នាទី បានចុះប្រតិបត្តិការណ៍ធ្វើការបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចភូមិគ្រញូងសែនជ័យ ឃុំគ្រញូងសែនជ័យ ស្រុកស្នួល ខេត្តក្រចេះ ដោយឃាត់ខ្លួនជនសង្ស័យបានចំនួន០២នាក់
១.ឈ្មោះ ឌឿ វ៉ាន់ថា ភេទស្រី អាយុ៤៣ឆ្នាំ ជនជាតិខ្មែរ មុខរបរលក់ដូរ រស់នៅភូមិគ្រញូងសែនជ័យ ឃុំគ្រូញូងសែនជ័យ ស្រុកស្នួល។
២.ឈ្មោះ ណុន ណេ ភេទប្រុស អាយុ៥១ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិជ្រៃម៉ាំ ឃុំពីរធ្នូ ស្រុកស្នួល ។
វត្ថុតាងដែលកម្លាំងសមត្ថកិច្ចដកហូតបានរួមមាន: ម្សៅក្រាមពណ៌ស សង្ស័យជាគ្រឿងញៀនប្រភេទមេតំហ្វេតាមីនចំនួន ០៧កញ្ចប់,កាំភ្លើងកែច្នៃចំនួន០១ដើម ,ទូរស័ព្ទ០២គ្រឿង,ជញ្ជីងអេឡិចត្រូនិចចំនួន០១ គ្រឿង ,ទុយោសម្រាប់ជោគរំលែកគ្រឿងញៀនចំនួន០២និងថង់សម្រាប់ច្រកចែករំលែកគ្រឿងញៀនមួយចំនួនទៀត។
បច្ចុប្បន្នជនសង្ស័យរួមទាំងវត្ថុតាងខាងលើ ត្រូវបានបញ្ជូនទៅកាន់ការិយាល័យជំនាញខេត្ត ដើម្បីចាត់ការបន្ដតាមនីតិវិធីច្បាប់៕
