ក្មេងទំនើង៣នាក់ បង្ករអំពើហឹង្សា បណ្តាលឲ្យមនុស្សម្នាក់ស្លាប់ និងម្នាក់ទៀតរងរបួសធ្ងន់ នៅស្រុកម៉ាឡៃ ត្រូវបាននគរបាលឃាត់ខ្លួន
ខេត្តបន្ទាយមានជ័យ៖ ជនសង្ស័យ ៣នាក់ ដែលបង្ករហឹង្សា បណ្តាលឲ្យបុរសម្នាក់បានស្លាប់ភ្លាមៗ នៅនឹងកន្លែង និងម្នាក់ទៀតបានរងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅឯបន្ទីពេទ្យ ក្រុងប៉ោយប៉ែត កាលពីរសៀល ថ្ងៃទី២០ ខែតុលា ឆ្នាំ២០២៣ វេលាម៉ោង១៨និង០០នាទី នៅចំណុច ភូមិស្វាយព្រៃ ឃុំស្រឡៅ ស្រុកម៉ាឡៃ ខេត្តបន្ទាយមានជ័យ ត្រូវបានកម្លាំងនគរបាលជំនាញ នៃអធិការរដ្ឋាន នគរបាលស្រុកម៉ាឡៃ ឃាត់ខ្លួនមកសាកសួរ។
សមត្ថកិច្ចបានឲ្យដឹងថា ជនសង្ស័យទាំង៣នាក់ ដែលកម្លាំងជំនាញឃាត់ខ្លួនរួមមាន៖
ទី១ ឈ្មោះ វេត បូរី ភេទប្រុស អាយុ១៥ឆ្នាំ រស់នៅ ភូមិត្រសេកជ្រុំ ឃុំម៉ាឡៃ ស្រុកម៉ាឡៃ។
ទី២ ឈ្មោះ សៅ ទីងសែង ភេទប្រុស អាយុ១៦ឆ្នាំ រស់នៅភូមិសង្កែ ឃុំបឹងបេង ស្រុកម៉ាឡៃ
ទី៣ ឈ្មោះ សំ ផុង ភេទប្រុស អាយុ១៤ឆ្នាំ រស់នៅភូមិសង្កែ ឃុំបឹងបេង ស្រុកម៉ាឡៃ ។ចំណែកជនរងគ្រោះ ទី១ឈ្មោះ ដា ភេទប្រុស អាយុប្រហែល១៨ឆ្នាំ រងរបួសធ្ងន់ ចំក្បាលផ្នែក ខាងក្រោយ បណ្តាលឲ្យស្លាប់តាមផ្លូវ និងទី២ឈ្មោះ ប៉ាវ ពិសី ភេទប្រុស អាយុប្រហែល១៥ឆ្នាំ របួសធ្ងន់ ត្រូវបានឡានសង្គ្រោះ បញ្ជូនទៅព្យាបាល នៅមន្ទីពេទ្យបង្អែក ក្រុងប៉ោងប៉ែត ជនរងគ្រោះទាំង២នាក់ខាងលើនេះ រស់នៅក្នុងភូមិកោះស្នួល ឃុំទួលពង្រ ស្រុកម៉ាឡៃ ។
សត្ថកិច្ចបានបន្តថា មុនពេលកើតហេតុ ជនសង្ស័យទាំង៣នាក់ ខាងលើបានជិៈ ម៉ូតូមួយគ្រឿងម៉ាក សង់ សេរីឆ្នាំ២០០៨ ពាក់ស្លាក់លេខបជ ១S-៤៣០៥ មកឈប់នៅចំណុចកើតហេតុខាងលើ បានទាញដុំថ្ម គប់ទៅលើជនរងគ្រោះដែលកំពុងជិៈម៉ូតូមួយគ្រឿងម៉ាក់សង់សេរីឆ្នាំ២០២៣ ពណ៌ស គ្មានស្លាកលេខ បណ្តាលឲ្យស្លាប់ម្នា់ភ្លាមៗ នៅនឹងកន្លែងនិងម្នាក់ទៀតរងរបួសធ្ងន់ បញ្ជូនមកកាន់មន្ទីពេទ្យ បង្អែកក្រុងប៉ោយប៉ែត។
ក្រោយពីកើតហេតុភ្លាមៗ កម្លាំងនគរបាលជំនាញ នៃអធិការរដ្ឋាន នគរបាលស្រុកម៉ាឡៃ បានឃាត់ខ្លួនជន សង្ស័យទាំង៣នាក់ ខាងលើបញ្ជូនមក កាន់អធិការរដ្ឋាន ដើម្បីធ្វើការសាកសួរ និងកសាងសុំណុំរឿង បញ្ជូនមកកាន់ការិយាល័យជំនាញ នៃស្នងការរដ្ឋាននគរបាល ខេត្តបន្ទាយមានជ័យ ដើម្បីចាត់ការបន្តតាមនតិវិធីច្បាប់៕
