ជិៈម៉ូតូ បុកម៉ូតូសណ្តោងរម៉កដឹកអេតចាយគ្មានភ្លើងសញ្ញាពីក្រោយពេញសំពីងសំពោង បណ្តាលរបួសធ្ងន់ស្រាល២នាក់ នៅក្នុងស្រុកអូរជ្រៅ
បន្ទាយមានជ័យ៖របួសធ្ងន់ម្នាក់និងស្រាលម្នាក់ ក្នុងហេតុការណ៍គ្រោះថ្នាក់ចរាចរណ៍ រវាងម៉ូតូជិះបុកម៉ូតូសណ្តោងរម៉កដឹកអេតចាយគ្មានភ្លើងសញ្ញាពីក្រោយពេញសំពីងសំពោង នៅយប់ថ្ងៃទី២៦ ខែតុលា ឆ្នាំ២០២៣ ស្ថិតភូមិទំនប់ដាច់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
អ្នកឃើញហេតុការណ៍បានឲ្យដឹងថា៖នៅពេលគ្រោះថ្នាក់ចរារណ៍កើតឡើងមានម៉ូតូសណ្តោងដឹកអេតចាយពេញសំពីងសំពោងគ្មានភ្លើងបំភ្លឺខាងក្រោយ ហើយមានម៉ុតូហុងដាឌ្រីម១គ្រឿងទៀតបើកបរពីក្រោយស្របទិសគ្នា បុកពេញទំហឹង បណ្តាលរបួសធ្ងន់ម្នាក់សន្លប់ស្តូកស្ទឹងនិងរបួសស្រាលម្នាក់ ត្រូវបានដឹកបញ្ជូនទៅសង្គ្រោះនៅមណ្ឌលសុខភាពអូរបីជាន់ភ្លាមៗ។
ក្រោយពេលកើតហេតុមន្ត្រីនគរបាលចរាចរណ៍ផ្លូវគោកស្រុកអូរជ្រៅ បានចុះដល់កន្លែងកើតហេតុបានធ្វើការវាស់វែង រួចយកមធ្យោបាយបង្កហេតុយកទៅរក្សានៅអធិការដ្ឋាននគរបាលស្រុកអូរជ្រៅ រងចាំដោះស្រាយគ្នាតាមផ្លូវច្បាប់ជាក្រោយ៕
