ជិៈម៉ូតូចេញពីសាលារៀនក្នុងល្បឿនលឿន បានបុករថយន្តដឹកម៉ាស៊ីនច្រូត ខណៈបើកឡើងផ្លូវជាតិ ត្រង់ចំណុចឃុំកូប ស្រុកអូរជ្រៅ យ៉ាងពេញទំហឹង បណ្តាលឲ្យរបួសធ្ងន់ ២នាក់បែកថ្គាម និងបាក់ធ្មេញ
បន្ទាយមានជ័យ៖រថយន្តដឹកម៉ាស៊ីនច្រូតបើកឡើងផ្លូវជាតិ ខ្វះការប្រុងប្រយ័ត្ន ត្រូវបានយុវតីជាសិស្សសាលាជិៈម៉ូតូក្នុងល្បឿនលឿន បានបុកពេញទំហឹង បណ្តាលរបួសធ្ងន់ម្នាក់បែកថ្គាមបាក់ធ្មេញ កាលពីថ្ងៃទី០៦ ខែវិច្ឆិការ ឆ្នាំ២០២៣ នៅតាមផ្លូវជាតិលេខ៥ ស្ថិតភូមិខៃដន ឃុំកូប ស្រុកអូរជ្រៅ។
ប្រភពព័ត៌មានពីកន្លែងកើតហេតុបានឲ្យដឹងថា៖នៅមុនពេលគ្រោះថ្នាក់ចរាចរណ៍កើតឡើងមានរថយន្តធុនធំម៉ាក់ហ៊ីយិនដាយ ពាក់ផ្លាក់លេខភ្នំពេញ3E.3939 ក្រោយដឹកម៉ាស៊ីនច្រូតខ្នាត់ធំ ទៅដាក់វាលស្រែច្រូត ហើយរថយន្តក៏ត្រឡប់មកវិញតាមផ្លូវលំខាងត្បូងបានឡើងផ្លូវជាតិលេខ៥ ខ្វះការប្រុងប្រយ័ត្ន ត្រូវបានយុវតីជាសិស្សសាលាជិៈម៉ូតូម៉ាក់ហុងដាឌ្រីម ពាក់ផ្លាក់លេខ បន្ទាយមានជ័យ1X.4676ចេញពីសាលាទៅផ្ទៈ បើកបរក្នុងទិសដៅពីកើតទៅលិច បានបុកពេញទំហឹងចំពាក់កណ្តាលរថយន្ត បណ្តាលរបួសធ្ងន់២នាក់ ត្រូវបានដឹកយកទៅសង្គ្រោះនៅឯមន្ទីពេទ្យភ្លាមៗ។
ក្រោយគ្រោះថ្នាក់ចរាចរណ៍កើតឡើងកម្លាំងនគរបាលចរាចរណ៍ផ្លូវគោកស្រុកអូរជ្រៅ បានដល់ភ្លាមៗ ធ្វើការពិនិត្យនិងវាស់វែងបានប្រាប់ថា៖មូលហេតុគ្រោះថ្នាក់ចរាចរណ៍កើតឡើងគឺបង្កដោយរថយន្តធុនធំដឹកម៉ាស៊ីនច្រូតបើកបរចេញពីផ្លូវលំឡើងផ្លូវជាតិគ្មានការប្រុងប្រយ័ត្ន ទើបយុវតីជិៈម៉ូតូចេញពីសាលារៀនទៅផ្ទៈលឿនទើបបុកពេញទំហឹងប ណ្តាលរបួស២នាក់ម្នាក់ធ្ងន់បែកថ្គាមនិងបាក់ធ្មេញ។
នគរបាលចរាចរណ៍បានបញ្ជាក់ថា៖ក្រោយធ្វើការវាស់វែងហើយរថយន្តបង្កនិងម៉ូតូរងគ្រោះ ត្រូវបានយកទៅរក្សាទុកនៅអធិការដ្ឋាននគរបាលស្រុកអូរជ្រៅ ដើម្បីរងចាំដោះស្រាយគ្នាតាមច្បាប់ចរាចរណ៍ផ្លូវគោកជាក្រោយ៕
