រថយន្តកាំម៉ារីឆ្លាម បើកឆ្លងផ្លូវខ្វះការប្រយ័ត្ន ត្រូវសិស្សសាលាជិៈម៉ូតូបុកពេញទំហឹង បណ្តាលរបួសធ្ងន់បាក់ជើងម្ខាង ត្រូវបានក្រុមសង្គ្រោះបឋមក្រុងប៉ោយប៉ែត ដឹកបញ្ជូនទៅសង្គ្រោះនៅឯមន្ទីរពេទ្យ
បន្ទាយមានជ័យ៖សិស្សសាលាម្នាក់បើកម៉ូតូក្នុងល្បឿនលឿង បានបុករថយន្តកាំម៉ារីឆ្លាមដែលកំពុងបត់ចូល បណ្តាលរបួសធ្ងន់បាក់ជើងម្ខាង ត្រូវបានក្រុមសង្គ្រោះបឋមក្រុងប៉ោយប៉ែត ដឹកបញ្ជូនទៅសង្គ្រោះនៅឯមន្ទីរពេទ្យភ្លាម នៅល្ងាចថ្ងៃទី០៥ ខែធ្នូ ឆ្នាំ២០២៣ នៅចំណុចស្តង់តាងួន ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត។
ប្រភពព័ត៌មានបានឲ្យដឹកថា៖នៅមុនពេលកើតហេតុគេបានឃើញរថយន្តប្រភេទកាំម៉ារីឆ្លាម ពាក់ផ្លាក់លេខ កំពង់ចាម2A.2915 បានបើកបរតាមបណ្តោយផ្លូវជាតិលេខ៥ ក្នុងទិសដៅពីលិចទៅកើត លុះមកដល់ចំណុចកើតហេតុខាងលើក៏បានបត់ឆ្វេងកាត់ទទឹងផ្លូវ ក៏ត្រូវសិស្សសាលាម្នាក់បានជិៈម៉ូតូម៉ាក់វ៉េវពាក់ផ្លាកលេខបន្ទាយមានជ័យ1K.6138ដែលបើកបរបញ្ច្រាស់ទិសគ្នាពីកើតមកលិចក្នុងល្បឿនលឿនបានបុកពេញទំហឹង បណ្តាលរបួសធ្ងន់បាក់ជើងខាងស្តាំ ត្រូវបានក្រុមសង្គ្រោះបឋមក្រុងប៉ោយប៉ែត ដឹកបញ្ជូនទៅសង្គ្រោះនៅឯមន្ទីរពេទ្យប្រទេសថៃ។
បើតាមមន្ត្រីនគរបាលចរាចរណ៍ក្រុងប៉ោយប៉ែត ដែលបានចុះទៅពិនិត្យ សម្រួលចរាចរណ៍ និងធ្វើការវាស់វែងនៅកន្លែងកើតហេតុបានបញ្ជាក់ថា៖មូលហេតុនៃគ្រោះថ្នាក់ចរាចរណ៍កើតឡើងគឺផ្តើមចេញពីរថយន្តកាំម៉ារីឆ្លាមបត់ឆ្លងផ្លូវគ្មានការប្រុងប្រយ័ត្ន និងយុវជនជាសិស្សសាលាបើកបរម៉ូតូលឿនទើបបណ្តាលបុកពេញទំហឹងរបួសធ្ងន់បែបនេះ ចំណែករថយន្តកាំម៉ារីឆ្លាមខូចខាតកាំពិតទ្វារខាងក្រោយខាងស្តាំនិងម៉ូតូម៉ាក់វ៉េវអាយរងការខ្ទិចផ្នែកខាងមុខ។
ក្រោយធ្វើការវាស់វែងរួចមធ្យោបាយពាក់ព័ន្ធ ត្រូវបានយកទៅរក្សាទុកនៅអធិការដ្ឋាននគរបាលក្រុងប៉ោយប៉ែត ដើម្បីរងចាំដោះស្រាយគ្នាតាមច្បាប់ចរាចរណ៍ផ្លូវគោកជាក្រោយ៕
