សិស្សប្រឡងសញ្ញាប័ត្រមធ្យមសិក្សាទុតិយភូមិ នៅខេត្តបន្ទាយមានជ័យឆ្នាំ២០២៣នេះ អ្នកជាប់និ ទ្ទេសA ចំនួន ៨២នាក់ ទទួលបានរង្វាន់កុំព្យូទ័រពីឯកឧត្តម អ៊ុំ រាត្រី អភិបាលខេត្ត
បន្ទាយមានជ័យ)៖ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ នាចុងសប្តាហ៍នេះ អញ្ជើញសំណេះសំណាល និងចែករង្វាន់លើកទឹកចិត្តដល់សិស្សប្រឡងជាប់និទ្ទេស A នៃការប្រឡងសញ្ញាប័ត្រមធ្យមសិក្សាទុតិយភូមិ សម័យប្រឡង ថ្ងៃទី០៦ ខែវិច្ឆិកា ឆ្នាំ២០២៣។ពិធីនេះបានធ្វើឡើងសាលប្រជុំសាលាខេត្ត ដោយមានការចូលរួមពីលោក លោកស្រីអភិបានរងខេត្ត អភិបាលស្រុង ក្រុង ប្រធាន អនុប្រធានមន្ទីរអង្គភាពនានាជុំវិញខេត្ត កងកម្លាំងប្រដាប់អាវុធគ្រប់កងឯកភាព និងអាណាព្យាបាលសិស្ស ប្រមាណជាង២០០នាក់ផងដែរ។
លោក ឈួ ប៊ុនរឿង ប្រធានមន្ទីរអប់រំ យុវជន និងកីឡា ខេត្តបន្ទាយមានជ័យបានមានប្រសាសន៍ថា ការប្រឡងសញ្ញាប័ត្រមធ្យមសិក្សាទុតិយភូមិនៅខេត្តបន្ទាយមានជ័យ ឆ្នាំសិក្សាឆ្នាំ ២០២២–២០២៣ នេះមានបេក្ខជន បេក្ខនារី ក្នុងបញ្ជីចូលរួមប្រឡងមានចំនួន ៦.១៦៨នាក់ /បេក្ខនារី មាន ៣.៣៧៧នាក់។
បេក្ខជនបានប្រឡងជាប់សញ្ញាបត្រមធ្យមសិក្សាទុតិយភូមិមានចំនួន ៤.១៤៣នាក់ស្រី ២.៥០៥នាក់ បេក្ខជនជាប់ចំណាត់ថ្នាក់ និទ្ទេស A មានចំនួន៨២នាក់ ស្រី៤៣នាក់ និទ្ទេស B ចំនួន ៣៣១នាក់ ស្រី២០៧នាក់ និទ្ទេស C មានចំនួន ៦៤៦ នាក់ ស្រី៤៣៥ និទ្ទេស D មានចំនួន ១.៤១៨នាក់ ស្រី៨៧១ និងនិទ្ទេស E ចំនួន១.៦៦៦នាក់ស្រី៩៤៩នាក់ ។
ក្នុងនោះ ឯកឧត្តម អ៊ុំ រាត្រី បានមានប្រសាសន៍ថា ឆ្នាំ២០២៣ នេះ បេក្ខជនប្រឡងទាំងអស់ គោរពតាមគោលការណ៍ប្រឡងបាក់ឌុបបានល្អមានវិន័យតឹងរឹងខ្លាំង ការប្រឡងនេះ មានស្តង់ដារ គុណភាពខ្ពស់ បេក្ខជន បេក្ខនារី គោរពម៉ោង រួមទាំង វិន័យប្រឡង មិនយកសំណៅឯកសារ ចម្លើយ ក៏ដូចឧបករណ៍ អេឡិចត្រូនិចចូលក្នុងថ្នាក់ប្រឡង ពោលគឺគោរពតាមបទបញ្ជាបទបញ្ញត្តិ ដែលក្រសួងបានដាក់ចេញ បានគ្រប់ជ្រុងជ្រោយទាំងអស់ អ្នកចេះ គឺជាប់ បេក្ខជននិងបេក្ខនារី មិនបានផ្ទុយនិងបទបញ្ញត្តិនិងកម្រិតវិន័យរបស់ក្រសួងអប់រំឡើយ។
ឯកឧត្តម អ៊ុំ រាត្រី បញ្ជាក់ថា ចាប់តាំងពីឆ្នាំ២០១៨ រហូតមកដល់ឆ្នាំ២០២៣នេះ សម្រាប់ខេត្តបន្ទាយមានជ័យអ្នកជាប់និទ្ទេស Aតែងតែជាប់ជារៀងរាល់ឆ្នាំមិនដែលអត់។នេះជាមោទនភាពសម្រាប់អ្នកខេត្តបន្ទាយមានជ័យយើងទាំងអស់គ្នា ទាំងអាណាព្យាបាល ក៏ដូចជាក្មួយៗទាំងអស់គ្នា រួមនិងថ្នាក់ដឹកនាំទាំងអស់ ។ទាំងនេះក៏ដោយសារតែមានការគ្រប់គ្រងចាត់ចែងបានល្អ អាណាព្យាបាលក៏ជួយជំរុញ លោកគ្រូ អ្នកគ្រូដឹកនាំបានល្អ បូកនឹងសិក្សានុសិស្សខិតខំរៀនសូត្របន្ថែមទៀតធ្វើឲ្យយើងទទួលបានលទ្ធផលល្អប្រសើបែបនេះ។ដូច្នេះសង្ឃឹមនិងជឿជាក់យ៉ាងមាំថា សិស្សានុសិស្សគ្រប់ជំនាន់និងរក្សាបាននូវលទ្ធផលដ៏ឆ្នើមនេះបន្ថែមទៀតដើម្បីលើកស្ទួយមុខមាត់ខេត្តបន្ទាយមានជ័យបន្ថែមទៀត។
ឯកឧត្តម អភិបាលខេត្ត បញ្ជាក់ទៀតថា ការប្រឡងសញ្ញាប័ត្រមធ្យមសិក្សាទុតិយភូមិនៅខេត្តបន្ទាយមានជ័យ ឆ្នាំសិក្សាឆ្នាំ ២០២២–២០២៣ នេះ មុននិងប្រឡងមានអ្នកសង្កេតការណ៍របស់អង្គភាពប្រឆាំងអំពើពុករលួយចូលរួមដើម្បីរៀបចំដំណើរការមណ្ឌលសំណេរនៃការប្រឡងសញ្ញាប័ត្រមធ្យមសិក្សាក្នុងខេត្តនេះឲ្យបានលទ្ធផលល្អនិងមានប្រសិទ្ធភាពផងដែរ។ចំណែកអាជ្ញាធរក្រុងសិរីសោភ័ណបានធ្វើការសម្រួលសណ្តាប់ធ្នាប់ ទីស្នាក់នៅ អាហារមិនឲ្យឲ្យឡើងថ្លៃផងដែរ ។បញ្ចប់កម្មវិធីលោក អ៊ុំ រាត្រី បានធ្វើការចែក កុំព្យូទ័រមួយគ្រឿងដល់សិស្សទាំង ៨២នាក់ និងថតរូបទុកជាអនុស្សាវរីយ៍ទៀតផង៕
