ក្រុមគ្រូគង្វាលនៃវិហារ អុីមីដ្ស ប្រទេសអូស្ត្រាលី សហការជាមួយក្រុមគ្រីស្ទបរិស័ទខេត្តបន្ទាយមានជ័យ បានរៀបចំប្រគុំតន្ត្រីនៃដំណឹងល្អ កម្ពុជា-អូស្ត្រាលី ក្រោមប្រធានបទ “យើងរួមគ្នាទប់ស្កាត់ និងឆ្លើយថាទេចំពោះគ្រឿងញៀន”
ខេត្តបន្ទាយមានជ័យ ៖បញ្ហាគ្រឿងញៀនគឺជាបន្ទុកដ៏ធ្ងន់ធ្ងរ សម្រាប់យើងទាំងអស់គ្នា ពុំមែនសម្រាប់តែបុគ្គល អង្គភាពឬសមាគមណាមួយ ជាអ្នកទទួលខុសត្រូវនោះទេ ផ្ទុយទៅវិញផ្ដើមចេញពីបុគ្គល ពីគ្រួសារជាអ្នករួមចំណែករួមគ្នាអនុវត្ត គឺមានវិធានការបីកុំ មួយរាយការណ៍ ត្រូវតែប្រកាន់ឲ្យបានខ្ចាប់ខ្ជួនពោលគឺ ១,កុំពាក់ព័ន្ធ ការជួញដូរ ចែកចាយ ខ្នងបង្អែក ឃុបឃិត និងប្រើប្រាស់ ២,កុំអន្តរាគមន៍ រារាំង ការអនុវត្តច្បាប់ចំពោះឧក្រិដ្ឋជនគ្រឿងញៀន និងទី៣,កុំលើកលេងបន្ធូរបន្ថយ។ លោក ហុឹល រ៉ាយ៉ា អភិបាលរងខេត្តបន្ទាយមានប្រសាសន៍បែបនេះក្នុងឱការអញ្ជើញជាអធិបតីក្នុងពិធីប្រគុំតន្ត្រីនៃដំណឹងល្អ កម្ពុជា–អូស្ត្រាលី ក្រោមប្រធានបទ “យើងរួមគ្នាទប់ស្កាត់ និងឆ្លើយថាទេចំពោះគ្រឿងញៀន” ដែលប្រព្រឹត្តទៅនៅសួនមានជ័យកាលពីរាត្រីចុងសប្តាហ៍នេះ ដែលរៀបចំដោយក្រុមគ្រូគង្វាលនៃវិហារ អុីមីដ្ស ប្រទេសអូស្ត្រាលី សហការជាមួយក្រុមគ្រីស្ទបរិស័ទខេត្តបន្ទាយមានជ័យ “។
ក្នុងនោះលោក ហុឹល រ៉ាយ៉ា បានពាំនាំនូវការផ្តាំផ្ញើសាកសួរសុខទុក្ខពីសំណាក់ថ្នាក់ដឹកនាំគ្រប់លំដាប់ថ្នាក់ និងក៏សូមថ្លែងអំណរគុណចំពោះ គណៈកម្មការគ្រីស្ទបរិស័ទ និងក្រុមធីមគ្រីស្ទបរិស័ទអូស្ត្រាលី ដែលបានរៀបចំពិធីប្រគុំតន្ត្រីនេះឡើង ហើយបានកំណត់អំពីអត្ថន័យប្រធានបទមានសារៈសំខាន់ គឺរួមគ្នាប់ស្កាត់និងឆ្លើយថាទេចំពោះគ្រឿងញៀន ដោយប្រធានបទនេះបានបញ្ជាក់អំពីការយកចិត្តទុក្ខដាក់ ជាមួយរាជរដ្ឋាភិបាលក្នុងការដោះស្រាយបញ្ហានានាក្នុងសង្គមជាតិយើង ជាពិសេសចូលរួមយ៉ាងសកម្មក្នុងការអនុវត្តគោលនយោបាយភូមិ ឃុំ មានសុវត្ថិភាព។
ទន្ទឹមនោះលោក JOSEPH FUNNEH (ហៅគ្រូចូ) គ្រូគង្វាលនៃវិហារ អុីមីដ្ស អូស្ត្រាលី បានមានប្រសាសន៍លើកឡើងថា ការប្រគុំតន្ត្រីគឺពិតជានាំមកនូវភាពសប្បាយរីករាយ និងរំសាយនូវភាពនឿយហត់និងទុកកង្វល់ទាំងឡាយ គឺយើងបានសប្បាយផងនិងបានផ្ញើសារដល់មិត្តភក្កិយើងផង កុំឱ្យភ្លេចអំពីឧបស័គ្គនានា ដែលកើតពីរឧបាយ នាំមកនូវឧបាយមុខ ដូចជាគ្រឿងញៀនដែលជាឃាតករបំផ្លាញទាំងសុខភាព ឱ្យសម្បត្តិ កិត្តិយសនិងអនាគតខ្លួនឯង គ្រួសារនិងសង្គមជាតិទាំងមូល។
ក្នុងពិធីប្រគុំតន្ត្រីនេះផងដែរ ក៏មានការចាប់ឆ្នោតផ្សងសំណាង យករង្វាន់និងបានចែកជូនដល់បងប្អូនប្រជាពលរដ្ឋចូលរួម ៣០០នាក់ ក្នុងម្នាក់ៗទទួលបានអង្ករ ២៥គីឡូក្រាមផងដែរ៕
