ប្រតិភូសមាជិកព្រឹទ្ធសភាបារាំង និងសមាគមកុមារជ័យ បន្តបង្កើនការឧបត្ថម្ភ គាំទ្រគម្រោងបង្រៀនភាសាបារាំង និងចលនាបរិស្ថានសាលារៀន នៅខេត្តបន្ទាយមានជ័យ
ខេត្តបន្ទាយមានជ័យ៖ក្នុងដំណើរការបំពេញទស្សនកិច្ច នៅវិទ្យាល័យហ៊ុន សែនខ្លាកូន,នៅសាលាបឋមសិក្សាកុមារសង្គ្រោះ,នៅសាលាខេត្តបន្ទាយមានជ័យ និងនៅប្រាសាទបន្ទាយឆ្មារ នាថ្ងៃទី០៨ ខែកុម្ភ: ឆ្នាំ២០២២ របស់ប្រតិភូសមាជិកព្រឹទ្ធសភាសាធារណរដ្ឋបារាំង និងសមាគមកុមារជ័យ ប្រទេសបារាំង ដឹកនាំដោយលោកហ្វ្រង់ស័្វរ ហ្ក្រូសឌីឌីយេ ( H E François Grosdidier ) ជាសមាជិកព្រឹទ្ធសភា និងជាអភិបាលក្រុងម៉េស(Meiz ខេត្តម៉ូហ្សែល័រ(Mozelle); លោកPascal babin ) និងសមាគមកុមារជ័យ ដឹកនាំដោយ សាត វិច្ឆិកា នាពេលនេះក្នុងគោលបំណងជម្រុញ គាំទ្រលើការបង្រៀនរៀនភាសាបារាំង និងបំផុសអោយមានការគាំទ្រ លើកកម្ពស់បរិស្ថាន ។
លោកហ្វ្រង់ស្វ័រ ហ្កូសឌីឌីយេ បានមានប្រសាសន៍ថា លោកជាអតីតមេភូមិហ្គូហ្គី ហើយលោកបានចូលរួមគាំទ្រសមាគមកុមារជ័យ។ក្នុងនោះបានអញ្ជើញសិស្សកម្ពុជា ២នាក់ គឺពីវិទ្យាល័យហ៊ុន សែនខ្លាកូន ធ្វើជាទូតសិស្សសាលាទៅទស្សនកិច្ចនៅប្រទេសបារាំង លើគម្រោងចលនាលើកម្ពស់បរិស្ថាន ។ក្រោយមកលោកជាសមាជិកព្រឹទ្ធសភា នៃសាធារណរដ្ឋបារាំង និងឥឡូវជាចៅហ្វាយក្រុងម៉េស(Viile de Meiz )នៃខេត្តម៉ូហ្សែល័រ(Mozelle) ពោលគឺលោកនឹងមានថាមពលខ្លាំងជាងមុនសម្រាប់ជួយគាំទ្រគម្រោងនេះ ។
នាឱកាសនោះឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានថ្លែងអគុណដល់ប្រតិភូសមាជិកព្រឹទ្ធសភាបារាំង និងសមាគមកុមារជ័យ ដែលបានជួយឧបត្ថម្ភគាំទ្រដល់គម្រោងបង្រៀនភាសាបារាំងនៅវិទ្យាល័យហ៊ុន សែនខ្លាកូន និងសាលាបឋមសិក្សាកុមារសង្គ្រោះ នៅក្រុងសិរីសោភ័ណ ខេត្តបន្ទាយមានជ័យ។ក្នុងនោះ ក៏បានទទួលស្គាល់ជាសាលាគំរូ នៃថ្នាក់បង្រៀនភាសាបារាំង នៅកម្ពុជាសម្រាប់គម្រោងខាងលើ។
ឯកឧត្តមអភិបាលខេត្តសង្ឃឹមជឿជាក់ថា គម្រោងខាងលើនឹងពង្រឹងពង្រីកបន្ថែមទៀត ហើយឯកឧត្តមក៏ជម្រុញលើកទឹកចិត្តដល់លោកគ្រូ អ្នកគ្រូបរទេសនិងខ្មែរ ខិតខំរកវិធីសាស្ត្របង្រៀនភាសាបារាំង ហើយក៏ស្នើអោយក្បួយៗសិស្សានុសិស្សបន្តខិតខំរៀនសូត្រ អោយមានចំណេះជំនាញពិតប្រាកដ ដើម្បីអនាគតខ្លួន ក្រុមគ្រួសារ និងប្រទេសជាតិ៕
