ពិធីបេីកការដ្ឋានសាងសង់ប្រព័ន្ធចែកចាយទឹក តាមបណ្តាញបំពង់ខ្នាតតូច សហគមន៍ភូមិ គោករមៀត ឃុំគោករមៀត ស្រុកថ្មពួក
![](https://www.kmctvonline.com/wp-content/uploads/2024/06/photo_2024-06-21_17-46-29-780x470.jpg)
(បន្ទាយមានជ័យ)៖ដើម្បីលើកកម្ពស់ ជីវភាពរស់នៅរបស់ប្រជាពលរដ្ឋ តាមជនបទនិងពិធីកម្មសកម្មភាពសេដ្ឋកិច្ចជនបទ ឲ្យកាន់តែប្រសើរឡើង នាព្រឹកថ្ងៃទី២១ ខែមិថុនា ឆ្នាំ២០២៤ ឯកឧត្ដម ប៊ុន វណ្ណៈ រដ្ឋលេខាធិការក្រសួងអភិវឌ្ឍន៍ជនបទ តំណាង ឯកឧត្ដម ឆាយ ឫទ្ធីសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញជាអធិបតីភាពនៃការបើកការដ្ឋានសាងសង់ប្រព័ន្ធចែកចាយទឹ តាមបណ្តាញបំពង់ខ្នាតតូច ទៅសហគមន៍ជូនដល់បងប្អូនប្រជាពលរដ្ឋនៅក្នុងឃុំគោករមៀត ឃុំគោករមៀត ស្រុកថ្មពួក ខេត្តបន្ទាយមានជ័យ ដែលជាកម្មវិធីទី២ របស់ក្រសួងអភិវឌ្ឍន៍ជនបទ ជំហានដំបូងជូន ដល់ប្រជាពលរដ្ឋបានទៅប្រើប្រាស់ផ្គត់ផ្គង់នឹងបន្តជាជំហានៗ ព្រោះថា តំបន់នេះពេលរដូវប្រាំងជួបនូវការលំបាកខ្វះទឹកប្រើប្រាស់ជាអន្លើៗ។
លោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្ត បានបញ្ជាក់ថា ការសាងសង់ប្រព័ន្ធចែកចាយទឹកតាមបណ្តាញបំពង់ខ្នាតតូចនៅក្នុងសហគមន៍ដល់ប្រជាពលរដ្ឋនេះ គឺក្នុងគោលដៅបង្កើនចំណូលសេដ្ឋកិច្ចគ្រួសារ នៅទីជនបទ ឱ្យប្រសើរឡើង ហើយការជំរុញការអនុវត្តយុទ្ធសាស្ត្រជាអាទិភាពបាន និងកំពុងរួមចំណែកយ៉ាងច្រើននៅក្នុងការផ្លាស់ប្តូរជីវភាពរបស់ប្រជាពលរដ្ឋ នៅជនបទ ប្រកបដោយបរិយាប័ន្នទាំងផ្នែកសេដ្ឋកិច្ច។
ឯកឧត្ដម ប៊ុន ច័ន្ទវណ្ណៈបានមានប្រសាសថា រាជរដ្ឋាភិបាលនីតិកាលទី៧ នៃរដ្ឋសភាដែលដឹកនាំដោយសម្តេចមហាបវធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវយុទ្ធសាស្ត្របញ្ចកោណដំណាក់កាលទី១ បានកំណត់យកអាទិភាពគន្លឹះចំនួនប្រាំ គឺមនុស្សផ្លូវ ទឹក ភ្លើង និងបច្ចេកវិទ្យា ក្នុងគន្លឹះអាទិភាពទាំង៥នោះគឺមានទឹក ទឹកមានសារសំខាន់ណាស់សម្រាប់មនុស្សសត្វនិងរុក្ខជាតិ។
ឯកឧត្តមរដ្ឋលេខាធិការបានបន្តថា ប្រជាពលរដ្ឋនៅជនបទ បេីមានផ្លូវ មានទឹក មានភ្លើងនិងហេដ្ឋារចនាសម្ព័ន្ធផ្សេងៗហើយនោះ គឺមានឱកាសប្រកបរបរបន្ថែម ដើម្បីបង្កើនប្រាក់ចំណូលក្នុងគ្រួសារ បន្ថែមពីនេះប្រជាពលរដ្ឋនៅទីជនបទមាន លំនៅឋានសមរម្យ មាន សេវាទឹកស្អាត សេវាអគ្គិសនីគ្រប់គ្រាន់ ធ្វើឲ្យសហគមន៍កាន់តែទំនើប។ ចុងក្រោយ ឯកឧត្តមបានធ្វើការផ្ដាំផ្ញើដល់បងប្អូនប្រជាពលរដ្ឋទាំងអស់សូមចូលរួមសម្អាតអនាម័យបរិស្ថាន និងណែនាំកូនចៅឲ្យចៀសឆ្ងាយពីគ្រឿងញៀនអំពើអបាយមុខផ្សេងៗ ក៏ដូចជាក្មេងទំនើងបងតូចបងធំនិងអំពើហិង្សា ទីបញ្ចប់នៃកម្មវិធីគណៈធិបតីបានធ្វើការចែកជូនជាកន្សែងដល់បងប្អូនប្រជាពលរដ្ឋម្នាក់មួយផងដែរ៕