កិច្ចប្រជុំ បូកសរុបលទ្ធផល ការងារ ប្រចាំត្រីមាសទី២ លេីកទិសដៅបន្តរត្រីមាសទី៣ របស់ មន្ទី អភិវឌ្ឍន៍ជនបទខេត្ត បន្ទាយមានជ័យ
(បន្ទាយមានជ័យ)៖មន្ទីរអភិវឌ្ឍន៍ជនបទខេត្តបន្ទាយមានជ័យ នាចុងសប្តាហ៍បានបើកកិច្ចប្រជុំបូកសរុបលទ្ធផលការងារប្រចាំត្រីមាសទី២ និងលើកទិសដៅបន្ត នៅឆ្នាំ២០២៤ របស់មន្ទីរអភិវឌ្ឍន៍ជនបទខេត្តក្រោមអធិបតីភាពឯកឧត្ត្តម ប៊ុន ចាន់វណ្ណៈរដ្ឋលេខាធិការក្រសួងអភិវឌ្ឍន៍ជន ។
លោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្ត បានបញ្ជាក់ថា ការងារអភិវឌ្ឍន៍ជនបទបាននិងកំពុងអនុវត្តតួនាទីភារកិច្ចព្រមទាំងបេសកកម្មដែលក្រសួង គណៈអភិបាលខេត្តប្រគល់ជូនស្របតាមកម្មវិធីអាទិភាពរបស់ក្រសួងដែលក្នុងនោះមន្ទីរមានចង្កោមសកម្មភាពចំនួន៤ និងសកម្មភាពការងារចំនួន១៥ ដែលមានថវិកាវិនិយោគសរុបចំនួន មួយប៊ីលាន ប្រាំបួនរយប៉ែតសិប ប្រាំបីលាន ប្រាំបីរយពាន់ រៀលគត់។ ជាមួយគ្នានេះផងដែរតាមរយៈក្រសួងមន្ទីរមាន ដែលគាំទ្រដោយដៃគូអភិវឌ្ឍន៍លើការងារលម្អផ្លូវជនបទចំនួន៥ គម្រោងទន្ទឹមនឹងនោះ មន្ទីរទទួលបានការចូលរួមសហការពីអង្គការមិនមែនរដ្ឋាភិបាលចំនួន ៥លើការងារទឹកស្អាតអនាម័យ និងគាំទ្រសុខភាពសហគមន៍ ។ដែលក្នុងកិច្ចប្រជុំនេះផងដែរឯកឧត្ដម ប៊ុន ចាន់វណ្ណះ បានមានប្រសាសន៍កោតសរសើរ ចំពោះថ្នាក់ដឹកនាំមន្ត្រីរាជការនិងមន្ទីរអភិវឌ្ឍន៍ជនបទខេត្តដែលបានយកចិត្តទុកដាក់បំពេញភារៈកិច្ចទទួលខុសត្រូវបានល្អប្រសើរលើការងារជាច្រើនក្នុងការអភិវឌ្ឍជូនដល់ប្រជាពលរដ្ឋក្នុងសហគមន៍ ដូចជាការផ្តល់សេវាហេដ្ឋារចនាសម្ព័ន្ធរូបវន្ត ការថែទាំជួសជុលផ្លូវស្ពានការកែលម្អ អាណត្តិនៃការរស់នៅរបស់សហគមន៍ជនបទ ផ្សព្វផ្សាយការប្រើប្រាស់ទៅដល់សមត្ថភាពការសាងសង់បង្គន់អនាម័យ និងអណ្ដូងទឹកជាដើម។
បញ្ចប់នៃកិច្ចប្រជុំឯកឧត្តមអស់លោក លោកស្រីបានបន្តចុះពិនិត្យពីវឌ្ឍនភាពនៃការសាងសង់ស្ពានបេតុ ពីភូមិព្រះពន្លាឆ្លងស្ទឹងភ្ជាប់ទៅ ឃុំចកនា សង្កាត់ព្រះពន្លាក្រុងសិរី ដែលស្ពាននេះមានប្រវែងបណ្ដោយ ១០៨ម៉ែត្រទទឹង១០ម៉ែត្រ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រីនៃព្រះរាជាណាចក្រកម្ពុជាតាមរយៈឯកឧត្ដម កែ គឹមយ៉ាន អ្នកតំណាងរាស្ត្រមណ្ឌលខេត្តបន្ទាយមានជ័យឯស្ពានបេតុងឆ្លងស្ទឹងដ៏ធំមួយនេះ ក្រុមជាង កំពុងសាងសង់បានប្រមាណជាង ៥០%ហើយ ហើយនៅក្នុងការចុះពិនិត្យស្ពានផងដែរឯកឧត្តមបានចែកជូនជាក្រមាដល់ក្រុមជាងម្នាក់មួយផងដែរ៕
