រដ្ឋបាលរងខេត្តប៉ៃលិន ណែនាំដល់អាជ្ញាធរ និងមន្ត្រីជំនាញពាក់ព័ន្ធ ជួយសម្របសម្រួលឯកសារ ក្នុងការចុះបញ្ជីដីធ្លីជូនពលរដ្ឋ អោយបានទាន់ពេលវេលា
(ប៉ៃលិន) នៅថ្ងៃទី១៦ ខែតុលា ឆ្នាំ២០២៤ នៅស្រុកសាលាក្រៅខេត្តប៉ៃលិន លោក ហ៊ុក សុផល អភិបាលរងខេត្តប៉ៃលិនក្នុងកិច្ចប្រជុំបិទផ្សាយជាសាធារណ:នូវឯកសារនៃការវិនិច្ឆ័យការចុះបញ្ជីដីធ្លីជាលក្ខណ:ប្រពន្ធ័ចំនួនជិត២ពាន់ក្បាលដីនៅស្រុកសាលាក្រៅ លោកបានណែនាំជម្រុញដល់អាជ្ញាធរមូលដ្ឋានពិសេសមេភូមិមេឃុំនិងរដ្ឋបាលស្រុកជួយសម្របសម្រួលឯកសារបញ្ជាក់ដីធ្លីជូនពលរដ្ឋដោយមិនអោយគាត់រត់ទៅរត់មកពិបាកឡើយ បើឯកសារណាខ្វះខាតជួយបំពេញភ្លាមដោយឈលើច្បាប់ជាធំមិនត្រូវទាលុយទាកាក់ពីប្រជាពលរដ្ឋឡើយ ចំណែកមន្ត្រីសុរិយោដីវិញត្រូវជួយពន្យល់ ពីរបៀបរបបដាក់ឯកសារជួយសម្រួលព្រំប្រទល់ដី អោយបានច្បាស់លាស់ធ្វើយ៉ាងណាអោយប្រជាពលរដ្ឋ ងាយស្រួលនិងទុកចិត្តលើអាជ្ញាធរនិងមន្ត្រីជំនាញរបស់យើង។
បន្ថែមពីនេះ ខ្ញុំក៏សូមធ្វើការផ្តាំផ្ញើដល់ពុកម៉ែបងប្អូនប្រជាពលរដ្ឋដែលជាម្ចាស់ដី ឬអ្នកកាន់កាប់ដីនេះ នៅក្នុងភូមិវាល ភូមិទួល ភូមិលាវ និងភូមិអូរឬស្សីក្រោម ឃុំសាលាក្រៅ ស្រុកសាលាក្រៅ ខេត្តប៉ៃលិន ទាំងអស់ ត្រូវត្រៀមរៀបចំនូវរាល់ឯកសារពាក់ព័ន្ធទុកមុនជាស្រេច ដើម្បីបង្កភាព ងាយស្រួល និងឆាប់រហ័សដល់ក្រុមការងារចុះបញ្ជីដីធ្លី ពិនិត្យ និងផ្ទៀងផ្ទាត់ជូនពុកម៉ែបងប្អូនឱ្យរលូននិងមានប្រសិទ្ធិភាពខ្ពស់។
ការចុះបញ្ជីដីធ្លីមានលក្ខណៈជាប្រព័ន្ធ ត្រូវគោរពតាមគោលការណ៍អភិបាលកិច្ចល្អតម្លាភាពវិមជ្ឈការ និងវិសហមជ្ឈការ និងសមភាពយេនឌ័រ ដើម្បីបង្កើតបានជាវប្បធម៌នៃ ការចុះបញ្ជីដីធ្លី
និងបង្កើនភាពជឿជាក់លើប្រព័ន្ធចុះបញ្ជីដីធ្លីដែលមានលក្ខណៈសាមញ្ញតែច្បាស់លាស់ឆាប់រហ័ស
និងងាយទទួលយកបាន។
លោក សែម សុខន ប្រធានគ្រប់គ្រងតំបន់វិនិច្ឆ័យក្រុម១បានអោយដឹងថា ថ្ងៃនេះប្រកាសបិទផ្សាយចំនួន៤ភូមិស្ថិតនៅភូមិសាលាក្រៅស្រុកសាលាក្រៅខេត្តប៉ៃលិនមានក្បាលដីសរុបចំនួន១៦៣០ក្បាលដីគឺមានទី១–ភូមិវាល មានប្រជាជនចំនួន២៩៥គ្រួសារ ចំនួនក្បាលដីដែលចុះបញ្ជីមាន៤៦៧ក្បាលដីហើយក្បាលដីដែលម្ចាស់មិនមកបំពេញទិន្នន័យមានចំនួ២៩ក្បាលដី។
ទី២ភូមិទួល មានប្រជាជនចំនួន២០៤គ្រួសារ ចំនួនក្បាលដីចុះបញ្ជី ៣០៩ក្បាលដី មិនបានមកបំពេញទិន្នន័យចំនួន១០ក្បាលដី។
ទី៣–ភូមិលាវ មានប្រជាជនរស់នៅ១៧០គ្រួសារ មានក្បាលដីចំនួន៤១៥ក្បាលដី មិនបានមកបំពេញទិន្នន័យុំានចំនួន១៩ក្បាលដី។និងទី៤–ភូមិអូរឫស្សីក្រោម មានប្រជាជនចំនួន២៤០គ្រួសារ មានក្បាលដីចំនួន៤៣៩ក្បាលដី ហើយក្បាលដីដែលម្ចាស់មិនមកបំពេញទិន្នន័យមានចំនួន២៤ក្បាលដី៕
