KTV ឈ្មោះ G9 ស្ថិតនៅក្នុងសង្កាត់អូរជ្រៅ ក្រុងប៉ោយប៉ែត ថ្លើមធំហ៊ានលួចបន្តបើកឲ្យប្រើប្រាស់ថ្នាំសប្បាយ មិនខ្លាចញញឹតនឹងសមត្ថកិច្ចឡើង
(បន្ទាយមានជ័យ) បែកធ្លាយសារជាថ្មីទៀតហើយ KTV ឈ្មោះថា G9 ដែលបច្ចុប្បន្នត្រូវបានដកស្លាកហេហោចេញ ក្រោយពីសមត្ថកិច្ចចុះបង្ក្រាបពាក់ព័ន្ធករណីលួចបង្កប់គ្រឿងញៀន ស្ថិតនៅក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យនោះ ពេលនេះបន្តបើកឲ្យប្រើប្រាស់នូវថ្នាំសប្បាយប្រភេទខេទឹក និងខេកញ្ចប់ យ៉ាងរំភើយដោយមិនខ្លាចញញើតនិងសមត្ថកិច្ចឡើយ ។ ជាក់ស្ដែងកាលពីថ្ងៃទី២២ ខែវិច្ឆិកា ឆ្នាំ២០២៤ ក្រុមការងារអង្គភាពយើងបានផ្តិតយករូបភាពដោយផ្ទាល់ពាក់ព័ន្ធសកម្មភាពការប្រើប្រាស់ថ្នាំសប្បាយនៅចំណុចខាងលើនេះ អមជាមួយនឹងបទភ្លេងវ៉ៃឡើងយ៉ាងកក្រើកនៅក្នុងបន្ទប់ខេធីវី(KTV)ដោយមានទាំងជនបរទេសនិងខ្មែរផងដែរ។
ពាក់ព័ន្ធករណី KTV លួចបង្កប់នូវថ្នាំសប្បាយដែលផ្គើនទៅហ្នឹងការណែនាំរបស់អាជ្ញាធរ ក៏ដូចជាប្រមុខរាជរដ្ឋាភិបាលនេះដែរ កាលពីកន្លងទៅថ្មីៗនេះ មន្ទីរប្រឆាំងបទល្មើសគ្រឿងញៀន និងមានការសម្របសម្រួលពីព្រះរាជអាជ្ញារងខេត្ត ព្រមទាំងមានការចូលរួមពីរអាជ្ញាធរក្រុង បានចុះបង្ក្រាបមកនោះ ក្រោយមកក៏មានការស្ងប់ស្ងាត់ទៅវិញ ប៉ុន្តែពេលនេះបែរជា ktv ខាងលើនូវតែបន្តលួចបើកឲ្យមានបទល្មើសនេះឡើងវិញដដែលដោយគ្មានខ្លាចញញើតនិងច្បាប់នោះឡើយ។
ពាក់ព័ន្ធករណីនេះដែរនាព្រឹកថ្ងៃទី២៥ ខែវិច្ឆិការ ឆ្នាំ២០២៤នេះ ភ្នាក់ងារយើងមិនអាចសុំការបំភ្លឺណាមួយពីលោកវរសេនីយ៍ត្រី ប៊ុន ឆៃដែន មេប៉ុស្តិ៍នគរបាល សង្កាត់អូរជ្រៅ និងលោកអធិការនគរបាលក្រុងប៉ោយប៉ែត លោកវរសេនីយ៍ឯក ព្រហ្ម ពិសិដ្ឋ បាននោះទេ ដោយខលទូរសព្ទជាច្រើនដងមិនចូល ។ដូច្នេះអង្គភាពយើងរងចាំការបកស្រាយបំភ្លឺពីសាម៉ីពាក់ព័ន្ធរាល់ម៉ោងធ្វើការ និងស្នើឱ្យស្នងការនគរបាលខេត្តបន្ទាយមានជ័យ ដាក់មន្ត្រីជំនាញចុះធ្វើការស៊ើបអង្គេតនិងមានចំណាត់ការ ទៅលើខេធីវីខាងលើនេះផងទាន ដើម្បីចូលរួមចំណែកលុបបំបាត់នូវបទល្មើសគ្រឿងញៀននៅក្នុងប្រទេសកម្ពុជា ឱ្យស្របតាមគោលនយោបាយរបស់ប្រមុខរាជរដ្ឋាភិបាលកម្ពុជា ៕
