ជនជាតិឥណ្ដូងបើកបរសង្ស័យក្នុងស្ថានភាពស្រវឹង បុករះបណ្ដាលឲ្យរថយន្ត ,ផាអាប(pass app) ,ម៉ូតូ រងការខូចខាត និងមនុស្សរងរបួស នៅភូមិសាមគ្គីមានជ័យ សង្កាត់អូរជ្រៅ

(បន្ទាយមានជ័យ) ករណីគ្រោះថ្នាក់ចរាចរណ៍ដែលបង្កឡើងដោយជនជាតិឥណ្ឌូ សង្ស័យថាបើកបរក្នុងស្ថានភាពស្រវឹងបានបុករះ បណ្ដាលឱ្យមនុស្សម្នាក់ជាម្ចាស់ pass app រងរបួស និងមធ្យោបាយពាក់ព័ន្ធរងការខូចខាត ក្រោយពីបង្ករគ្រោះថ្នាក់ចរាចរណ៍ ក៏មានបាតុភាពបង្កហិង្សារវាងជនបរទេសជាជនជាតិឥណ្ឌូនិងក្រុមអ្នករត់ pass app(កម្ពុជា)បង្កការភ្ញាក់ផ្អើលរហូតមានការអន្តរាគមន៍អំពីកងកម្លាំងសមត្ថកិច្ច។ករណីគ្រោះថ្នាក់ចរាចរណ៍បង្កការភ្ញាក់នេះបានកើតឡើងនាវេលាម៉ោងជិត១២ថ្ងៃត្រង់ ថ្ងៃទី១០ ខែមករា ឆ្នាំ២០២៥ ត្រង់ចំណុចផ្លូវស្រាផ្ទិល ស្ថិតនៅក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។

បើតាមប្រភពព័ត៌មានពីប្រជាពលរដ្ឋបានឲ្យដឹងថា មុនពេលបង្កើតមានរថយន្តមួយគ្រឿងដែលបើកបរដោយជនជាតិឥណ្ឌូ សង្ស័យបើកបរក្នុងស្ថានភាពស្រវឹងបានបុកម៉ូតូមួយគ្រឿង រួចក៏ជ្រុលទៅបុក ផាសអាប(pass app) ផ្ងារជើង រួចរុលទៅមុខរថយន្តមួយគ្រឿងទៀតដែលម្ចាស់ចតចូលកាត់សក់ សំណាងហើយមិនបណ្ដាលឲ្យមនុស្សបាត់បង់ជីវិត គ្រាន់តែរងរបួសនិងមធ្យោបាយពាក់ព័ន្ធរងការខូចខាតយ៉ាងដំណំ។

ក្រោយពីកើតហេតុកម្លាំងនគរបាលទទួលផែនចរាចរណ៍ បានចុះជួយអន្តរាគមន៍ និងធ្វើការវាស់វែងនូវកន្លែង រួចស្ទូចមធ្យោបាយពាក់ព័ន្ធយកទៅរក្សាទុកនៅអធិការដ្ឋាននគរបាលក្រុងប៉ោយប៉ែត រង់ចាំការដោះស្រាយគ្នាតាមនីតិវិធីច្បាប់ជាក្រោយ៕