ជនជាតិវៀតណាមប្រុសស្រីឆ្លងដែនតាមច្រករបៀង ក្បែច្រកតំបន់ស្វាយអាង៉ោង ដូចគេហែកឋិនមកលក់ដូរនិងលេងល្បែងស៊ីសង សមត្ថកិច្ចគ្មានចំណាត់ការ
(ព្រៃវែង)៖បែកធ្លាយភាពមិនប្រក្រតីរវាងអ្នកបានលិតយកឈ្មោះគេទៅប្រើ ឯអ្នកមិនបានលិតប្រត្តិកម្ម រីឯអ្នកកាងភ័យស្លន់ស្លោ រឿងឃិបឃិតគ្នាបើកឲ្យជនជាតិវៀតណាមឆ្លងដែនតាមទូក មានទាំងប្រុសនិងស្រី ខ្លះកាន់គ្រឿងឧបភោគបរិភោគចូលមកកម្ពុជាលក់ដូរ និងភាគច្រើនសំពាយមាន់ជល់ ទៅលេងក្នុងបនល្បែងមួយកន្លែង ស្ថិតនៅភូមិរោង ឃុំចាម ស្រុកកំពង់ត្របែក ខេត្តព្រៃវែង ក្នុងនោះមានទាំងម៉ូតូជនជាតិវៀមចាំទទួលយ៉ាងគក្រឹកគក្រេងផងដែរ សមត្ថកិច្ចគ្មានចំណាត់ការទាល់តែសោះ។
ជាក់ស្តែងនាព្រឹកថ្ងៃទី២៣ ខែមិថុនា ឆ្នាំ២០២២ អ្នកសារព័ត៌មានជាច្រើនអង្គភាពបានចុះផ្តិតយករូបភាពជាក់ស្តែងនិងធ្វើការឡាយផ្ទាល់ឃើញថា មានជនជាតិវៀតណាមឆ្លងដែនតាមទូកសំពាយសត្វមាន់ជល់យ៉ាងប្រសេកប្រសាច ក្នុងនោះក៏ឃើញមានវត្តមានកម្លាំងសមត្ថកិច្ចបានចុះមកដល់ តែគ្មានការទប់ស្កាត់ទាល់តែសោះ ឯម្នាក់ទៀតតាំងខ្លួនជាសមត្ថកិច្ចជិះម៉ូតូធុនធំ ពាក់ឯកសណ្ឋានស៊ីវិល ធ្វើចរិកនិងប្រើពាក្យសម្តីគ្មានសុជីវធម៌ ព្រមទាំងពោលពាក្យថា ជនជាតិវៀតណាមចូលមកនេះខ្លួនមិនបានដឹងនោះទេ។តែទោះយ៉ាងនេះក្តីប្រជាពលរដ្ឋបានលួចបង្ហើមប្រាប់ឲ្យដឹងថា ការឆ្លងដែនតាមច្រករបៀង និងការបើកឲ្យមានល្បែងស៊ីសងមានទាំងអាប៉ោង បៀរ(BACRAT)ពិសេសជល់មាន់នេះ មិនមែនទើបតែបើកនោះទេ ពោលគឺឡើងដុះស្លែទៅហើយ មិនឃើញសមត្ថកិច្ចណាម្នាក់អើពើឡើយ។
ទាំងនេះជាក្តីបារម្មណ៍របស់ពួកគាត់ពីសុខសុវត្ថិភាព ព្រោះថាមានល្បែងស៊ីសងតែងតែកើតមានឡើងនូវបទល្មើសផ្សេងៗ ដូចជា អំពើរចោរកម្ម អំពើរហឹងក្សាក្នុងគ្រួសារ និងបទល្មើសជួញដូរ និងប្រើប្រាស់គ្រឿងញៀន។ជាងនេះទៅទៀតពលរដ្ឋខ្លះចាញ់ល្បែងលក់អស់ទ្រព្យសម្បត្តិ ដីធ្លី ជំពាក់បំណុលគេជុំទិសបង្កជាបញ្ហាអសន្តិសុខជាដើម តើទាំងនេះត្រូវបន្ទោសអ្នកណា? អ្នកណាជាអ្នកបង្កើតឡើង។ដូច្នេះស្នើឲ្យលោកស្នងការនគរបាលខេត្តព្រៃវែង មានវិធានការផងទាន!! ដើម្បីឲ្យស្របតាមគោលនយោបាយភូមិ ឃុំ មានសុវត្ថិភាព របស់ប្រមុខរាជរដ្ឋាភិបាលកម្ពុជា ដែលបានដាក់ចេញ បើពឹងលើមន្ត្រីថ្នាក់ក្រោមប្រហែលមិនអាចទៅរួចនោះទេ ដោយសាររយះការកន្លងមកនេះអ្នកសារព័ត៌មាន បានខលរាយការណ៍ប្រាប់អាជ្ញាធរពាក់ព័ន្ធជាច្រើនស្ថាប័នរួចហើយដែរ តែពួកគាត់បានរុញឲ្យសួថ្នាក់លើទៅវិញ ម៉្យាងវិញទៀតដើម្បីកុំឲ្យប្រជាពលរដ្ឋមានការយល់ច្រលំទៅលើថ្នាក់ដឹកនាំ បែជាខឹងគោទៅវ៉ៃរទេះទៅវិញ។
ជុំវិញបញ្ហាខាងលើនេះដែរបើតាមប្រភព័ត៌មាន បានឲ្យដឹងថា ជនជាតិវៀតណាមចូលមកតាមច្រករបៀង និងការបើកឲ្យលេងបនល្បែងស៊ីសងខាងលើនេះបានដោយរលូន ក៏ព្រោះតែមានមេការម្នាក់ឈ្មោះ តី ជាអ្នកមើលការខុសត្រូវ និងសែនព្រេនឲ្យអ្នកពាក់ព័ន្ធទាំងអស់៕មានវគ្គបន្ត
