អភិបាលខេត្តតាកែវ ស្នើដល់ប្អូនៗយុវជន យុវតី សូមកុំធ្វើឱ្យឪពុកម្ដាយ ស្រក់ទឹកភ្នែកដោយសារខ្លួន ត្រូវចងចាំថា ការប្រើប្រាស់គ្រឿងញៀន គឺបំផ្លាញអនាគតខ្លួនឯង បំផ្លាញគ្រួសារ និងបំផ្លាញសង្គមជាតិទាំងមូល
ខេត្តតាកែវ៖ថ្លែងក្នុងអង្គមីទ្ទីញអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ឆ្នាំ២០២២ ក្រោមប្រធានបទ « ដោះស្រាយបញ្ហាគ្រឿងញៀន ក្នុងវិបត្តិសុខភាព និងមនុស្សធម៌»នៅព្រឹកថ្ងៃទី១៩ ខែកក្ដដា ឆ្នាំ២០២២ ដោយមានការអញ្ជើញចូលរួមពីលោកជំទាវ ឧត្តមសេនីយ៍ឯក ឈឹម សិទ្ធិបុណ្យរិទ្ធ អគ្គលេខាធិការរង នៃអាជ្ញាធរជាតិប្រយុទ្ធប្រឆាំងគ្រឿងញៀន ឯកឧត្តម យស ណាស៊ី ប្រធានក្រុមប្រឹក្សាខេត្ត ប្រធានសាលាដំបូងខេត្ត ព្រះរាជអាជ្ញាអមសាលាដំបូងខេត្ត ស្នងការនគរបាលខេត្ត មេបញ្ជាការកងរាជអាវុធហត្ថខេត្ត មេបញ្ជាការតំបន់ប្រតិបត្តិការសឹករងខេត្ត លោក លោកស្រីប្រធានមន្ទីរអង្គភាពជុំវិញខេត្ត អភិបាលក្រុង ស្រុកផងនោះ ឯកឧត្តម អ៊ូច ភា អភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀនខេត្តតាកែវ បានលើកឡើងថា គ្រឿងញៀន គឺជាបញ្ហារបស់យើងទាំងអស់គ្នា ត្រូវរួមគ្នាប្រយុទ្ធប្រឆាំង មិនត្រូវគិតថា កិច្ចការទាំងអស់នេះ គឺជាភារកិច្ចផ្តាច់មុខ របស់កម្លាំងមានសមត្ថកិច្ចតែម្នាក់ឯងនោះឡើយ បានស្នើដល់ប្អូនៗយុវជន យុវតី សូមកុំធ្វើឱ្យឪពុកម្ដាយ ស្រក់ទឹកភ្នែកដោយសារខ្លួន ត្រូវចងចាំថា ការប្រើប្រាស់គ្រឿងញៀន គឺបំផ្លាញអនាគតខ្លួនឯង បំផ្លាញគ្រួសារ និងបំផ្លាញសង្គមជាតិទាំងមូល។
ជាមួយគ្នានោះដែរ ឯកឧត្តម អ៊ូច ភា បានថ្លែងការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងយកអស់កម្លាំងកាយចិត្ត របស់កងកម្លាំងគ្រប់លំដាប់ថ្នាក់ និងអាជ្ញាធរពាក់ព័ន្ធទាំងអស់ ដែលបានរួមគ្នាបង្រ្កាបករណីគ្រឿងញៀនគ្រប់សកម្មភាព ដោយទទួលបានលទ្ធផលល្អប្រសើរក្នុងរយះពេលកន្លងមកផងដែរ៕ដោយ៖លោក ផូង បញ្ញា
