លោក សិទ្ធិ ឡោះ ប្រធានក្រុមការងារខ២៧ ចុះជួយស្រុកស្វាយចេក នាំយកអំណោយ ទៅចែកជូនពលរដ្ឋ០៩គ្រួសារ នៅឃុំតាបែន
ខេត្តបន្ទាយមានជ័យ៖នៅព្រឹកថ្ងៃទី០៤ ខែកុម្ភ: ឆ្នាំ២០២២ លោក សិទ្ធិ ឡោះ សមាជិកអចិន្ត្រៃយ៍គណៈកម្មាធិការគណបក្សខេត្ត និងជាប្រធានក្រុមការងារខ២៧ ចុះជួយស្រុកស្វាយចេក បានដឹកនាំក្រុមការងារចុះសួរសុខទុក្ខ និងចែកអំណោយ ជូនប្រជាពលរដ្ឋក្រីក្រ នៅក្នុងឃុំតាបែន ចំនួន៩គ្រួសារ។
ពិធីនេះត្រូវបានប្រារព្ធធ្វើឡើង នៅទីស្នាក់ការគណបក្សប្រជាជនកម្ពុជា ឃុំតាបែន ដែលមានការរួមពី លោក ងួន ឡុញ ក្រុមប្រឹក្សាស្រុកស្វាយចេក លោក ស៊ិន ប៊ុនស៊ីវ អភិបាលរង នៃគណះអភិបាលស្រុកស្វាយ លោក.លោកស្រីប្រធាន អនុប្រធានបក្សឃុំ និងលោក.លោកស្រីមេបក្ស លេខា និងសមាជិកបក្សភូមិទាំង៥នាក់ និងលោក លោកស្រី ប្រធាន អនុប្រធានក្រុមការងារ ខ២៧ចុះជួយឃុំជាច្រើននាក់ផងដែរ។
អំណោយដែលនាំយកមកចែកជូនថ្ងៃនេះរួមមានៈអង្ករចំនួន៥០គីឡូក្រាម ,មីចំនួន ១ កេះ ,ត្រីខចំនួន ១ យួរ ,ទឹកត្រីចំនួន ១យួរ ,ទឹកស៊ីអ៊ីវចំនួន ១ យួរ ,ទឹកសុទ្ធចំនូន ២យួរ និងថវិការ ៥០០០០៛(ប្រាំម៉ឺនរៀល)ផងដែរ៕
